حقيقة وضع اللغة القبطية

[Admin]

هو المفروض إن اللغة لو مهضومة وادواتها جاهزة ( كتب ومناهج ومعرفة ) إن التعليم يبقى شامل يعنى قراءة وكتابة ومحادثة فى وقت واحد
لكن طالما إن أدوات تعليم ممارسة اللغة غير جاهزة ، فالأفضل ( فى الوقت الحالى ) الإكتفاء بدراسة النص وفهمه ، ومن اصبح يقرا النص ويفهمه يبدا فى محاولة إستعمال اللغة

طيب ما حنا في كامي بندرس قراءة (مطالعة) من كتاب ساجي نامان
و محادثة من ملزمة كامي
و في نفس الوقت بندرس نصوص زي ابانا الذي و قدوس قدوس و نعظمك يا ام النور و نحفظها
بالاضافة الي بعض الاناشيد الدينية و غير الدينية

اما القواعد فبنتعملها لوحدنا
يعني لما اخد صباح الخير يا بابا صباح الخير يا اخويا صباح الخير يا عزيزي
اوتماتيك بعرف اداة الملكية للمفرد المذكر
و هكذا باقي الدروس
لكن مش معنى كدة ان اننا مش هندرس قواعد خالص
لكن دراسة القواعد بشكل جدي يبدا مع البدء في دراسة منهج ساجي

الحاجة الوحيد اللي ناقصة هو اننا  مش بنتدرب على الكتابة بس اظن ان ده كمان هيتغير لما نبدا في ساجي

حتى لو مكانش منهج كامل لكني اجدة على الاقل افضل من الدراسة الجافة لنصوص غالبا لن اتمكن من الاستفادة منها في حياتي العادية

[batroc]

أبانا الذى وغيرها بتدرسها والا بتحفظها صم ؟ ( وكل حاجة فى المعهد بتتحفظ صم ) ء
عموماً نحن منتظرون .. وإبقى قابلنى


الناس اللى إكتفت بمناهج المعهد لا إتكلموا قبطى ، ولافهموا النص

[batroc]

رحلتى مع القبطى إبتدأت عند عثورى على  كتاب " ساجى " ومنه عرفت القبطى القديم وإقتنعت به فلم أتعلم أبداً القبطى الحديث ، وبعدين لقيت إنجيل " مرقس " قبطى
وبعدين تعثرت فى نطق بعض الحروف فرحت المعهد وقرأت وعد كاتبينه " تحدث بطلاقة " وإبتدأت المذاكرة وكلها حفظ صم ودى عملية متعبة .. علشان كده كان تقدمى فى المناهج بطىء
ولم أجدهم أبداً يتحدثون بالقبطى
وإشتريت القاموس وحفظت كلمات وإبتدأت أحاول أركب جمل فكنت أفشل
وكنت متعطشاً للمعرفة وإستعمال اللغة لكن عبثاً كنت أحاول .. فالمعهد لم يعيننى ولم يرشدنى لسبيل الخلاص وهو " دراسة ومعرفة النص " ء
وفى النهاية وبعد سنين فهمت مشكلة اللغة وطريقة الحل ، ولكن المشكلة مازالت باقية بسبب طول السكة وضخامة المجهود المطلوب حتى يمكن إزاحة ستار الجهل ، وإختراق حجب الظلام

طريقة التعليم الواجبة والمعروفة .. هى إيراد القاعدة ثم الأمثلة ثم التمارين
ولكن المعهد يقدم أمثلة فقط دون القواعد ودون التمارين
والمطلوب حفظ صم لهذه الأمثلة
وبالتالى بيبذل مجهود ضحم والفائدة محدودة
وبعدين أوضحت فى أول الشريط إننا محتاجين 7 مواد فى القبطى حتى يمكن معرفته ، والمعهد يقدم جزء صغير من مادة واحدة 

[Admin]

اظن ان هو ده سبب اختلاف الراي بيننا
رحلتي انا بدات مع القبطي الحديث و مدرسين القبطي الحديث لاهم لهم
سوى تدريس القواعد و نطق الحروف و احيانا يعطونا امثلة و احيانا لا
طبعا لم اتعلم شئ بل كرهت القواعد

لهذا عندما عرفت بفصول اللفظ القديم كنت اشعر بالفخر و انا بقول لاصحابي
هاهاهاها احنا مش زيكم منهج كامي بنتعلمه من غير ما ندرس ولا قاعدة
و مع ذلك كنت اعرف اكثر كثيرا جدا منهم حتى في القواعد
لان منهج كامي يعتمد على انك تكتشف القاعده بنفسك

عموما انا شايف ان مش مفروض يبقى في طريقة واحدة بس صح لتدرس اللغة القبطية
لازم يكون في كذا طريقة عشان كل دارس يختار اللي يناسبة

[batroc]

اللى عاوز اقوله إنه ما هو موجود خارج النص من تدريس ومناهج لم نرى له فائدة واضحة ، وإن الطريق الوحيد المتاح حالياً للتقدم فى القبطى لازم يمر عبر النص
أى طرق أخرى غير النص لم تأتى بنتيجة ، والمناهج ضعيفة
الكلام ده هو ماإستفدته من خلال خبرتى مع اللغة القبطية
الإنسان اللى بيأخذك بعيداً عن النص وبيقولك انا هأعلمك قبطى .. هيضيع وقتك وهتستنزف مجهودك فى أمور لن تؤدى بك للتقدم طالما الدراسة غير معتمدة تماماً على النص
أو بمعنى آخر .. إقرا النص إفهمه وإعرفه ، وبعد كده إبدأ فى موضوع المحادثة .. لكن العكس غير مجدى وغير مثمر

[batroc]

مشكلة المعهد إن عندهم تشويش فى الأهداف
يعنى هدف القراءة الصحيحة ، يختلف عن هدف معرفة القبطى الكنسى وإستعمال القبطى فى الكنيسة ، يختلف غن هدف الإحياء
القراءة الصحيحة تقتضى معرفة قواعد القراءة ومعرفة نطق كل كلمة
ومعرفة القبطى الكنسى تتطلب دراسة النصوص الكنسية وفهمها
ومعرفة التحدث بالقبطى هو هدف ثالث ( ولا أعتقد بإمكانية تحقيقه حالياً ) ء
وأصل المشكلة إن هدف المعهد كان تغيير النطق الكنسى ، وفى البداية كانوا يتمتعوا بدعم البابا وكانوا يعملوا فى الكنائس على هذا الهدف وتعليم الناس الألحان بالطريقة القديمة
وبعد ذلك تغير البابا ورفض اللفظ القديم ، واصبح اللفظ القديم مرفوض فى كل مكان ، وطلب منهم تعليم القبطى للمحادثة فقط ، ومن هنا حصل التضارب بين هدفهم الأصلى ( تغيير النطق الكنسى ) والهدف الجديد ( إحياء اللغة القبطية ) ء

[batroc]

المعهد فيه مجموعة من المشاكل كالآتى : ء

الإعلان عن هدف لايمكن تحقيقه وهو : التكلم بالقبطى بطلاقة

2 - إستعمال الحفظ الصم وهو أمر مؤلم وغير مفيد

3 - الإنفصال عن النص

4 - إن ما هو مطلوب حفظه لايمكن إستعماله ، لأنه فى حالة حدوث محادثة فالناس لاتستعمل جمل محفوظة لكن يقوموا بتركيب جمل فى كل مرة يتكلمون فيها وهذه الجمل تختلف دائماً ، وبالتالى المطلوب هو تعريف الناس آلية تركيب الجمل حتى يتمكنوا من تركيب الجمل التى تتوافق مع شخصياتهم وإسلوبهم وليس تحفيظ جمل ثابتة

5 - فى حالة الحفظ نحفظ كلمات أو آيات أو إذا الموضوع كبر قوى نحفظ مزامير صلوات تسابيح إلخ .. لكن جمل
 المحادثة لاتحفظ

[batroc]

فيه مجموعة ملاحظات بالنسبة لمعهد اللغة القبطية
أولاً : لاتصدق أنك ستتكلم اللغة القبطية بطلاقة ، ولا حتى بواحد من عشرة من الطلاقة
ء - اللى تقدر تستفيد منه هو الخطوط العامة للفظ القديم
ء - مناهج المعهد إعتبرها جزء من النص القبطى : إقرأها إفهمها إستفيد منها .. لكن لاتحفظها
ء - كل مايطلب منك حفظه لن تستفيد منه