كتاب بستان الرهبان

[Admin]

كتاب بستان الرهبان مكتوب باللغة العربية لكن بحروف قبطية
http://wiki.danacbe.com/index.php/Arabic_Text_written_in_Coptic_alphabet
مفيد جدا في معرفة النطق الاصلي للحروف القبطية
نقلا عن
http://books.google.com/books?id=Ri1ELsg2I_MC&pg=PA155&lpg=PA155&dq=%22arabic+text+in+coptic%22&source=bl&ots=VQ7Ql5uaL_&sig=w_z8uqZ1Q-2PxoFLuHHb-8F2JhA&hl=en&ei=sN6xTJ2zNM7r4gbE95TWCw&sa=X&oi=book_result&ct=result&resnum=1&ved=0CBIQ6AEwAA

[Admin]

ملحوظة الكتاب غير كامل بعد
محتاج حد يكمله في الويكي و ياريت لو حد يراجع اللي انا كتبته

[ramyhannahanna]

ياجماعه انا تحيرت ومش عارف ايه نطق الحروف الصحيح فكتاب بستان الرهبان يختلف عن حروف المعهد القبطى يختلف عن كتاب جورجى صبحى انا عايز اعرف اتلنطق الصحيح فيهم ياريت تردوا عليا ف اقرب وقت لانى محتار وشكرا

[Admin]

انا عارف قصدك ايه بس ياريت تجيب شوية امثلة من النص عشان اعرف ارد عليك

[ramyhannahanna]

انا رفعتهملك ع الروابط دول لاحظ الفروق ف النطق يعنى ف بستان الرهبان حرف التيتا بيتنطق تاء وثاء وفى قواعد جورحى حرف الويضا ليه ثلاث نطوق وفى حروف كتير زى كده ياريت تلاحظ الفروق ف النطق لكل الحروف وشكرا ع اهتمامك
http://www.2shared.com/photo/_JGqjpuY/2010-10-18_150524.html
http://www.2shared.com/photo/R91mFqZh/page018.html
http://www.2shared.com/photo/-taXexmX/page019.html

[Admin]

كنت متوقع كلام زي كدة
المشكلة ببساطة ان الراجل اللي كتب الكتاب ده عايز يكتب حروف مش موجودة في لغته الاصلية
 فقام دور على الحروف اليوناني اللي تديك اقرب نطق للحروف العربي دي
يعني انا لو عايز اكتب حرف الثاء هستخدم اقرب حرف ليها في القبطي اللي هو  التيتا
و بسبب كدة المصريين بقوا ينطقو حرف الثاء العربيه تـ
نفس الكلام ده ينطبق على حرف الدلتا لما بيتنطق ذ
خد بالك كمان ان الكلام ده من القرن الـ14 يعني بعد ما كان نطق اليونانيين اتغير
و ممكن يكون الكاتب استغل الحروف اللي نطقها متغير دي عشان يكتب الحروف اللي مش عنده
و في احتمال تاني ان يكون حرف التيتا ده كان اليونانيين بينطقوه ت او ث فعلا
بس المصريين استخدموه لكتابه حرف التاء بس لان حرف الثاء مش موجود اصلا في لغتهم

حرف الويضا بيتنطق اصلا ب
في اللهجة البحيري بقوا احيانا يخففوه و ينطقوه واو
و في اللهجة الصعيدي برضوا احيانا بينفخو فيه فبينطقوه فه
و كتير اوي يتبدل حرف الويضا مع حرف ال "او" زي كلمة ورد
ⲃⲉⲣⲧ or ⲟⲩⲉⲣⲧ
و نفس الحكاية في الصعيدي كتير الويضا يتبدل مع حرف الفاي

اتمني اكون قدرت اساعد

[ramyhannahanna]

جميل جدا بس انا اللى اعرفه ان الدكتور جوجى صبحى كان مهتم باللغه القبطيه باللفظ القديم فهل تقصد انه وازن بين اللف القديم والحديث لان لو لحظت ان حرف الويضا ف كتابه ينطق
و,ب,v
والغما تنطق ج,غ يعنى ف حرف مش موجود واسماء الحروف مشابها للحديث غير اللى مستخدمه ابونا شنودا واللى اعرفه ان ابونا شنوده مستشهد بكتب جورجى صبحى فا انا عايز اعرف ازاى وان ابونا شنودا مستخدم حروف ليها اسماء واصوات مختلفه عن كتاب جورجى صبحى  فى كتاب جورجى الويضا مسميها بيدا وبيتا والغما وحروف تانى  لكن انا عارف ان كتاب بستان الرهبان علشان يوازن بين العربى والقبطى وتكون مشابها لليونانى دى مفهاش مشاكل

[Admin]

المرجع الاساسي بتاع ابونا شنودة هو المخطوطات اللي اتكتبت باللغة القبطية و جنبها القبطي المعرب
في واحدة منهم موجودة في المتحف القبطي لو حابب تشوفها
بالنسبة لنطق حرف الويضا في ده جايز في الكلمات اليوناني بس اكيد مش في القبطي
بدليل ان مفيش اسم اله او فرعون مصري فيه الحرف ده
كمان الحرف ده مش موجود في اغلب (او كل) اللغات الشرقية (على حد علمي يعني) ـ

[abo_dokhana]

طريقة نطق الحروف اللي كتب عنها دكتور جورجي
معظمها مبني على الابحاث وليس كما كان ينطق بالزبط
وهو مفرد نطق كل حرف ومستشهد بالنطق اللي حفظه
التراث الكنسي(اللفظ القديم)لكنه اجتهد ايضا
وقال ربما او يمكن في مواضع كثيره في كتابه
على اي حال هو كتب كتابه عندما بدء النطق بتاع عريان افندي ينتشر
وبكده يمثل "لفظه" لفظ انتقالي بين القديم
والحديث