ترجمة بعض الوظائف للقبطية

[ramyhannahanna]

انا قريت ان كلمه بعبع قبطى ومعناها عفريت لكن القبطى مفهوش حرف العين ايه رايكم
كمان ياجماعه انا عايز اكتب دول بحروف قبطيه لانى انا لسه جديد وشكرا
المنجد = بيصانفورش
المكوجي بيرافجوف
الكناس = بيرافصاره
المراكبي = بيصانجوي
المترجم = بيرافوول
القاضي = بيرافديهاب
الفكهاني = بيصانوطاه
العطار= بيصانسوجان
طبيب العيون = بيسايني اموال
الطباخ = بيراف فيسي
الضابط = بيراف اموني
الصراف = بيفاي كيرمي
الخضري = بي صانوودي
الخبير بيراف سوون
الحلاق = بيراف خوك
الجنايني = بيصانشوم
الجزار = بيصاناف
الترزي = بيرافتورب
اوجاى

[Admin]

منين جبت الكلام الجميل ده؟
اظن انه كتاب لأبونا شنودة؟

[ramyhannahanna]

انا بحب ابحث كتير عن القبطى لكن بالصدفه اتلاقيت حاجه مختلفه لكن باللفظ الحديث واشكرا المهندس جورج اللى حولهملى اى لفظ قديم ع الجروب انشاء الله انا هتعلم اللفظ القديم بس محتاج قواع الحروف انا عايز منك مساعده ف القبطى ياريت لو مفهاش اى مضايقه تكتبلى ايميلك علشان اضيفه ع الياهو وتقدر تنشر القبطى بدرجه كبيره وتكتبلى المواعيد اللى بتكون فيها ع النت وعموما دا ايميلى *****@yahoo.com
وياريت تكتبلى الوظائف دى بالحروف القبطى لانى محتاجهم ضرورى قبل يوم الخميس
واشكرك كتير

[Admin]

ارجوك متكتبش ايميلك كدة على العلن
ده هيسببلك مشاكل كتير لان فيه ناس بتدور على الايميلات اللي زي كدة عشان تبعتلهم اعلانات

عموما لو عايز تسالني عن اي  حاجة في اللغة القبطية يا ريت تسال في المنتدى ده عشان لو حده تاني عنده نفس السؤال يستفيد و عشان انت كمان تستفيد من اجابات باقي الاعضاء
في قسم في المنتدي اسمه اسال
ask
و واحد تاني اسمه يعني ايه
what is the meaning of
و هكذا اكتب اللي عايز تقولة في القسم المخصص

[Admin]

اللغة المصرية فيها عين طبعا و إلا مكناش عرفنا ننطق الحرف ده في العربي
انا شخصيا معرفش ليه الحرف ده اختفى من القبطي

بالنسبة للكلمات
المنجد = ⲡⲓⲥⲁⲛⲫⲱⲣϣ
المكوجي ?? جوف يعني يحرق
الكناس = ⲡⲓⲣⲉϥⲥⲁⲣϩ
المراكبي = ⲡⲓⲥⲁⲛϫⲟⲓ ⲓⲉ ⲡⲓⲛⲉϥ
معناها الحال اي الذي يحل = بيرافوول
ⲡⲓⲣⲉϥϯϩⲁⲡ = بيرافديهاب
الفكهاني = ⲡⲓⲥⲁⲛⲟⲩⲧⲁϩ
العطار= ⲡⲓⲥⲁⲛⲥⲟϫⲉⲛ
طبيب العيون = ⲡⲓⲥⲏⲓⲛⲓ ˋⲙⲃⲁⲗ
الطباخ = ⲡⲓⲣⲉϥⲫⲓⲥⲓ
معناها المسساك اي اللي بيمسك = بيراف اموني
الصراف = Greek
الخضري = ⲡⲓⲥⲁⲛⲟⲩⲟϯ
الخبير ⲡⲓⲣⲉϥⲥⲱⲟⲩⲛ (العريف)
الحلاق = ⲡⲓⲣⲉϥϧⲱⲕ
الجنايني = ⲡⲓϭⲙⲉ ⲓⲉ ⲡⲓϭⲙⲏ
الجزار = ⲡⲓⲥⲁⲛⲁϥ
الترزي =

اللي عليه علامات استفهام ده انا معرفتش اكتبه بالقبطي لاني مش عارف الاقيه في القاموس
في حاجات صححتها
كل الكلمات اللي فيها بيصا كذا معناها بتاع كذا
ده اكيد غلط في كلمة زي كلمة الجنايني اكيد متترجمش بتاع الجنينه
كلمة المراكبي ممكن يمكن تكون صح بس انا كتبتلك جنبها الكلمة اللي في القاموس اللي هي اكيد صح

[ramyhannahanna]

بس احنا لازم نعرف كل حاجه عن اللغه القبطيه ونسال والسؤال مش عيب ونعرف ليه حرف العين اختفى دى لغه مش كلام فاضى

[Admin]

صح  يا ريت تعرف لينا ليه حرف العين اختفى و تنشر الكلام ده هنا

[abo_dokhana]

ارجوك متكتبش ايميلك كدة على العلن
ده هيسببلك مشاكل كتير لان فيه ناس بتدور على الايميلات اللي زي كدة عشان تبعتلهم اعلانات

شكرا المعلومة جديدة عليا
بالنسبة لموضوع العين والحاء
ديه من المواضيع الصعبة

لكن بكل تأكيد فيه حرف الحه وده باين من كلمات كتيرة موجودة
زي طوبح وكلمات كتيرة موجودة  في لغات سامية مشابهه للقبطي
زي اشتيحا السيريانية وتعني شارع
لكن موضوع العين مبهم جدا
فحرف العين اسهل بكثير في النطق من الحه
وبالرغم من هذا لم يحتفظ التقليد الكنسي بكلمة واحدة بها عين
بالرغم من وجود هذا الحرف  في الكتابة الهيروغليفية
وايضا الكتاب المقدس يذكر اسماءا مصرية بها حرف العين
هناك مدرستان بخصوص هذان الحرفان
المدرسة الاولى تقول انه يوجد  الحرفان
والثانية تقول انه ربما يوجد ولكن خفيفا اي عين خفيفة وحاء خفيفة
وعلى اي حال هناك حاجة لنظريات تحاول تفهمنا شوية

[ramyhannahanna]

انا اللى عرفته عن العين انها تطورت الى همزه زى كلمه اتوااب اللى كانت اتوعاب وتطورت مع الزمن تطور غير ملحوظ ومتكتبتش
و كان ليها رمز  في الهيروغليفي لكن لما اتكتبت اللغة المصرية بحروف  يونانية كتبوا الحروف المنطوقة والمش منطوق مكتبوهوش
والبركه ف المهندس جورج اللى قالى ع المعلومه الجميله دى

[georgesedhom]

ⲡⲓⲣⲉϥⲑⲱⲣⲡ =الخياط

[okeen888]

جميل جدا المجهود ده ياريت بقي
نكتبهم بالقبطي
انا مش بعرف افهم القبطي المعرب
ياريت كل الوظايف نكتبها بالقبطي و معناها بالعربي
من غير  القبطي المعرب