رسالة خاصة الي ادمن الموقع

[okeen888]

شكرا علي مسحك لكل موضوعاتي
انا ناقشت بحيادية و صراحة موضوع اللفظ القديم
ولكن كان من المفترض انك ترد عليا بنفس الاسلوب ولكني
وجدتك قد خذفت كل مشاركاتي واسئلتي
كنت اتسأل عن هذا اللفظ الذي تقول انه قديم
وطرحت اسئلة وكان من المفترض ان اتلقي اجوبة

ولكن هذا التصرف يجعلني لا اشارك بالمرة في هذا المنتدي
الذي يريد بكل قوة دعم اللفظ القديم دون تفكير
ودون اتاحة فرصة للنقاش او النقد
واظن ان هذا ما يريده مني بالضبط الان ان اغادر
لانهم عجزوا عن الرد علي اسئلتي
ولو كانوا قادريين علي الرد لما كان يصدر منهم هذا التصرف

لم انتقد لمجرد النقد ولكن لمعرفة صحة ما تقولون
وببساطة وجدت ان هذا اللفظ القديم به بعض الخطاء
تحتاج الي مراجعه ولذا قررت ان اطرحها برقي

وعلي العموم اتشكر لهذة الفرصة
ولكني لم اقتنع بهذا اللفظ الذي تدعون اليه
واصلي من اجل اللغة القبطية التي تخص الشعب كله
ومن اجلي ومن اجلك ان يباركنا الرب وينير طريقنا

[Admin]

موضوعات حضرتك متمسحتش طبعا
انا عملت قسم مخصوص في المنتدي لموضوعات حضرتك
http://kame.danacbe.com/index.php/board,14.0.html
و وضحت ده في رسالة بعتها ليكي

[okeen888]

 يعني ايه الاسم ده الغريب
 Old pronunciation vs new debate

ياريت تغيره عشان محدش فاهم العنوان خالص
اللفظ القديم vs مناقشة جديدة

ممكن تسميه نقد ايجابي للفظ القديم بالعربي افتكر العنوان هيبقي واضح

[okeen888]

في موضوعات كتير انا كنت عملاها
وحضرت الادمن شالها
من غير ما يناقشني

[Admin]

اي موضوع لتعليم اللفظ الحديث بيتمسح فورا
ده مش مسموح بيه في المنتدى

[okeen888]

قولتلي
يعني لا قبول لراي الغير
ولا نقاش ولا نقد
و زعلنين ان الكنيسة مبتستعملش اللي بتقولوا عليه
طيب ما انتوا بتعملوا معايا كده برضة مش سامحين اني احط اي موضوع ميعجبكمش
رغم ان كل منتديات و اقسام اللغة القبطية في النت (تابعة للكنايس) ة
بتسمح بوضع اي موضوع عن القبطي و في كتير عن اللفظ القديم ( حسب تعبيركم )ة

[abo_dokhana]

قولتلي
يعني لا قبول لراي الغير
ولا نقاش ولا نقد
و زعلنين ان الكنيسة مبتستعملش اللي بتقولوا عليه
طيب ما انتوا بتعملوا معايا كده برضة مش سامحين اني احط اي موضوع ميعجبكمش
رغم ان كل منتديات و اقسام اللغة القبطية في النت (تابعة للكنايس) ة
بتسمح بوضع اي موضوع عن القبطي و في كتير عن اللفظ القديم ( حسب تعبيركم )ة

ليه صعب عليك انك
تقر الحقيقة؟
انت معذور فان البابا نفسه والمفروض ان يرعى التعليم
يدعم اللفظ الرومي
فهذا امر غير مستغرب ابدا
بالمناسبة هل قريت كتاب الادلة الربطية لعريان افندي بيشرح ازاي غير الحروف القبطية؟

[georgesedhom]

انا بستغرب جدا من قداسة البابا شنودة التالت في موضوع اللفظ القديم   
حتى من اسبوعين جاله سوال في المحاضرة الاسبوعية عن الموضوع دا  وقال امش زي الكنيسة ماهي ماشي  لكن لو قولنا القديم والحديث مش هنخلص
برضو البابا العالم  اسقف التعليم السابق  الي بيحافظ ع التراس القبطي    يقطع  كدا الطريق علا البحث والنقاش   عشن يخلص    هو البحث العلمي    مقرف للدرجادي
الكنيسة القبطية العظيمة ام الشهدا   اللي دفعت دم شعبها تمن  عقيدتها  ومرضتش تغير كلمة واحدة  كلمة واحدة ولا عقيدة  ووقفت قدام العالم كله   تمشي بنظام
 خطا مشهور خير من صواب مجهول
الجملة دي كانت رد احد كهنة اسيوط  لشاب عايز يعلم اللفظ القديم
ابقوا قابلوني لو اللغة القبطية انتشرت باللفظ الحديث
لان دلوقتي خلاص كل الصلوات بقت بالعربي لان الناس مش طايقة تسمع  المسخ دا  ولما ابونا يصلي بالقبطي الناس بتقعد وتستناه لما يخلص
دا حتا التسبحة والدكسولوجيات بقو يقولوها بالعربي                  وسلمولي علا عريان افندي    وعمر افندي   

[okeen888]

اولا يا استاذ جورج سيدهم كلمة تراث بالثاء مش تراس
ثانيا الكنيسة مش بايديها حاجة اللفظ الحديث الكنيسة كلها عارفه انه  في اخطاء و لكن اللي مفروض حضرتك تعرفه ان لفظ ابونا شنودة ايضا خطا ولو عايز امثلة اقولك
الكنيسة مش عايزة تخرب اللغة الكنيسة سمحت لعلمك بوجود معهد اللغة القبطية في داخل الكاتدرائية وقامت بمحاولة تمويله  وده معناه ان الكنيسة مش معارضه البحث والدراسة زي ما بتقول

ولكن المشكلة انك بتسمع كل حاجة من طرف واحد طيب حاول تسمع من اكثر من طرف
يعني مش عشان احد كهنة اسيوط قالك كده معناه اتجاة الكنيسة كلها
الكنيسة ممنعتش اللفظ ده رغم انها عارفة انه يحتمل اخطاء ايضا بدليل رسامة الشماس اميل كاهن ابونا شنوده
و رغم تلاوته للقداس باللفظ الذي يعتقدوه دون الرجوع لاحد من الاساقفة لاخذ رأيه و رغم ما يسببه ذلك من خطورة للشعب فاذا كان يحب ان يرعي شعبه بمخافة الله  لابد ان يعلم انه يفصل ابناء كنيسته عن باقي الشعب و هذا عمل خطير
وفضلا عن كده انشاءت المعهد وسمحت بنشر كتبه ومطبوعاته  للجميع و خاصة الشباب  الذين اجتذبوهم 

فانا اعرف واحد اسمه مينا راح درس بالمعهد وخد شهادة مش عارفة اسمها ايه كده و بعدين كتب اسمه بالقبطي و جه يقراه باللفظ اللي اتعلمه لقي اسمه بقي مانا و  من ساعتها قرر يراجع كل اللي درسه و محاه من ذاكرته لانه لقي الالاف الاخطاء برضه

ورد البابا علي سؤال اللفظ ده هو ده الرد الحكيم لان البابا اب لكل الشعب وراعي لكل الناس وراعي للمعهد ايضا
فكان رد البابا سليم لانه محبش يخلي ابنه يغوص في دوامه عشان يتعلم القبطي اللي بيتعلم القبطي في العموم عايز يقرب من ربنا او يبقي شماس او يقول الحان ولكن البابا خايف عليه يدخل الدوامه دي و بالتالي ميحبش القبطي و يبعد عن الالحان

و متهيقلي رد القديس البابا كيرلس السادس لما عمل لجنة من اكبر العلماء كن فيهم اتنين من كلية الاثار ومسلمين في موضوع اللفظ القديم هو افضل طريق هو قال ان اللفظ القديم به اخطاء كثيرة مثله مثل الحديث ولكن لازم نمشي علي الحديث لغاية لما يثبت صحة لفظ معين بعد دراسته و التأكد من اصالته و اسند مهمة دراسة اللفظ اللي هذة اللجنة و اثبتت اخطاء في اللفظ القديم

[georgesedhom]

انا بكتب بالعامية المصرية وبنطق حرف الثاء العربي س  ولا محدش ياخذني علا الكلام بالعامي
وانا افضل اني اتكلم بالقبطي لو تحبي
انتي بتقولي ان اللفظ القديم والحديث هما الاتنين فيهم اخطاء يعني انتي بتعترفي بخطأ اللفظ الحديث  . لكن انا مقتنع ان اللفظ القديم هو  اللفظ الصح  اللغة الصحيحية هي لغت اللي كانو بتكلموها واجدادنا لما كانوا بيتكلموا قبطي وكتبوا اللغة العربية بحروف قبطية في مخطوطات  تثبت صحة اللفظ القديم وكتابتهم للقبطي بالمعرب تثبت اللفظ القديم   
وانتي بتقولي ان ايام البابا كيرلس اجتمع العلما واقروا بخطا اللفظين  ياريت تقوليلنا ايه الخطا في كل لفظ   وانت يقولتي ان البحث المفروض يستمر لحد ميثبت اللفظ ايهما اصح  فين البحث دا  هل هو  المعهد طب اذا كان المعهد اقر بصحة اللفظ القديم خلاص    طب ان مكنش هو المعهد يبقا مين
طب ايه رايك انا اتصلت بالدكتور كمال فريد اسحق وقلتله قولي بصراحة انت رايك الاقباط كانوا بيتكلموا باي لفظ قالي القديم

[okeen888]

المعهد لم يدرس علي الاطلاق
اللفظ الحديث
المعهد انشا بناء علي طلب ابونا شنودة و الحاحه

و قداسة البابا ممانعش ابدا وكمان الاساقفة رحبت بابونا شنوده
و فضيت لابونا مكان في الكاتدرائية رغم الصعوبة الشديدة نظرا لقلة الاماكن

ووفر له اغلب الادوات اللي ممكن يستخدمها
وكانوا فاهمين ان ابونا شنودة هيدرس فيه اللفظ القديم ولكن
ابونا شنوده استغل الموضوع وسمي المعهد معهد اللغة القبطية في مجملها

فأي واحد عايز دلوقتيي يدرس قبطي هيقرا عن معهد اللغة القبطية
وهو اصلا تلاقيه مش عارف ان في اختلاف في القبطي ولا يعرف اصلا حاجة اسمها قديم وحديث

هو بكل بساطة وبراءه عايز يتعلم قبطي اللي بيقولوه في الالحان
ولكن يفاجأ بوجود هذا الاختلاف بعد ما يدبس في المعهد

ومع ذلك الكنيسة مرحبه جدا بالمعهد و بكل ابناءها
و فاتحه ابوابها لكل الناس

[Admin]

ⲫⲁⲓ ⲡⲉ ⲡⲓϣⲉⲃⲓⲟ ⲛⲧⲉ ⲫⲏⲉⲧⲥⲁϫⲓ ⲛⲉⲙ ⲛⲓⲁⲧϩⲏⲧ, ϯ ⲟⲩⲉⲙϩⲑⲏⲓ