لماذا الاقبال على القبطي ضعيف؟

[abo_dokhana]

شيئ عجيب جدا بالرغم من تسجيل الكثيرين للموقع هدا
الا قلة قليلة جدا تشارك
لا تتعدى الثلاثة او الخمسه
اين الباقي؟
ان اللي اعرفه ان فيه امكانيه لتصفح الموقع
بدون تسجيل
اذن لماذا سجلوا؟
فيه حاجة غلط

[Admin]

صدقني انا برضو معرفش

[n stauro]

المنتدي مش بيعلم قبطي
المنتدي للمتعلمين جاهزين
ودول قليلين

[Admin]

دي نقطة مهمة بس المشكلة ان تعليم اللغة عن طريق الكتابة خطا كبير في رايي
بس المنتدي مش  بس للناس المتعلمة لكن كمان   للناس اللي بتتعلم

[okeen888]

اولا لان التسجيل في المنتدي صعب شوية للناس
المبتدئين محتاج ايميل
ثانيا المنتدي مش بيراعي ان الناس كلهم بتتصفح المنتدي
عشان تتعلم قبطي مش عشان هما محترفين
ثالثا موضوعات المنتدي لازم تكون بسيطة وسهلة
لتعليم القبطي بمنتهي السهولة
رابعا انا شايفة ان المنتدي مش بينتج ولا حاجة خالص للغة القبطية
لا صور ولا فيديو ولا اي حاجة مهمة في التعليم

انا عن نفسي حاولت اني اساعد في المنتدي
لكن في ناس مش مرحبه لانهم متعصبين للفظ القديم وبس
من موضوعاتي
http://kame.danacbe.com/index.php/topic,355.0.html
http://kame.danacbe.com/index.php/topic,334.0.html
http://kame.danacbe.com/index.php/topic,325.msg2413.html#new

ياريت لو نشارك كلنا ايد واحدة و نساعد بعض
          Ⲟⲩϫⲁⲓ

[abo_dokhana]

متهيألي مثلا ان حروف القبطي مش محتاجة
وعندنا الاف الكتب البسيطة جدا
اللي تشرح مبادئ اللغة
لدرجة ان الواحد بيحس ان اول الطريق سهل
لكن بعد ذلك لا نجد كتب او مناهج متعمقة
في القبطي
فالنتيجة ان احنا نصل(على الاقل بتكلم عن نفسي)الى درجة معينة والتقدم
يصبح بطئ جدا فلا نستطيع تقديم او انتاج لغة حية
فمثلا دلوقتي لو اعلنوا في المدارس انهم هيدرسوا لغة قبطية
كلغة اختيارية ثانية
هل سنجد مدرسين كفاية واكفاء؟؟

[Admin]

انا درست اول شهادتين من منهج ابونا شنودة
و طول الوقت اعدت اعمل محاولات اني اقرا الانجيل بالقبطي لغاية ما قدرت اقرا بدرجه معقولة
بعد كدة سبت المناهج خالص و قعدت اقرا في كتب مكتوبه بالقبطي

[IbrahimLeiden]

لا منتدى ولا موقع ولا أى وسيلة الكترونية تصلح لنشر القبطية
القبطية تحتاج لمؤسسة كبرى وتمويل كبير
وكلاهما موجودان فى الكنيسة القبطية
التعليم فى رأيى على مستوين
أولهما: الهواية
ودا ممكن يبتدى بدرسين دمهم خفيف فى مدارس الأحد
وثانيهما الاحتراف، ودا ممكن يكون بتمويل الكنيسة لعدد من الباحثين للدراسة بالخارج

[cherrybakhoom]

انا درست اول شهادتين من منهج ابونا شنودة
و طول الوقت اعدت اعمل محاولات اني اقرا الانجيل بالقبطي لغاية ما قدرت اقرا بدرجه معقولة
بعد كدة سبت المناهج خالص و قعدت اقرا في كتب مكتوبه بالقبطي

انا مع الأخ ابراهيم في ان تعلم اللغة القبطية صعب
ولكن لازم نتعب شوية
اين الرواد اللي ها يتعبوا    وبمجهود شخصي يقدروا يضعوا مناهج
ممكن داخل مصر وممكن خارج الكنيسة
الادمن بيقول قدرت اقرا بدرجة معقولة
اريد ان اساله هل الدرجة دي بتتحسن ؟؟؟
أكيد طبعا
اريد تعليق الاخ بطرس علي كلام الاخ ابراهيم   وهو اكثر شخص وجدته يكتب اللغة القبطية بطلاقة
انا اري انه لازم نستخدم الانترنت فهو وسيلة جيدة ممكن تساعد في ذلك

[batroc]

سلام

مانستعجلش .. كل حاجة هتيجى مع الوقت ، لو توفرت معرفة كافية بالقبطى هنلاقى الإمكانيات لنشر اللغة

اللى يعرف اللغة بطلاقة يعنى يقدر يترجم صح وفورى وكمية كبيرة( وده مش متوفر ) ء

أنا ممكن أترجم لكن كمية صغيرة وبمساعدة القاموس

لما تزيد المعرفة باللغة ويبقى فيه إنتاج كتابى أو شفوى كبير هيبقى سهل بعد كده تعليم الناس

[Admin]

مشكلة القاموس انه مش بيعلمك المصطلحات
يعني مثلا لو حبيت تترجم جملة زي
اخدته على جنب و وبخته
ⲁⲓϭⲓⲧϥ ϩⲓϫⲉⲛ ⲟⲩⲥⲁ ⲟⲩⲟϩ ⲁⲓⲥⲟϩⲓ ⲙⲙⲟϥ
طبعا الترجمة دي محدش هيفهمها الا واحد يعرف عربي باللهجة المصري
بينما الترجمة القبطية الصحيحة للجملة تبقى
ⲁⲓⲟⲗϥ ⲥⲁ ⲡⲥⲁ ⲟⲩⲟϩ ⲁⲓⲥⲟϩⲓ ⲙⲙⲟϥ
طبعا في مصطلحات كتير زي كدة مش مكتوبة في القاموس زي
بيني و بينك
ⲟⲩⲧⲱⲓ ⲛⲉⲙⲁⲕ
غير تركيبات الجمل
انا شخصيا لما بكون مش متاكد بدور على جملة في الكتاب المقدس يكون ليها تركيبة قريبة من تركيبة الجملة اللي عايز اترجمها عشان اضمن صحة المصطلحات

[abo_dokhana]

مشكلة القاموس انه مش بيعلمك المصطلحات
يعني مثلا لو حبيت تترجم جملة زي
اخدته على جنب و وبخته
ⲁⲓϭⲓⲧϥ ϩⲓϫⲉⲛ ⲟⲩⲥⲁ ⲟⲩⲟϩ ⲁⲓⲥⲟϩⲓ ⲙⲙⲟϥ
طبعا الترجمة دي محدش هيفهمها الا واحد يعرف عربي باللهجة المصري
بينما الترجمة القبطية الصحيحة للجملة تبقى
ⲁⲓⲟⲗϥ ⲥⲁ ⲡⲥⲁ ⲟⲩⲟϩ ⲁⲓⲥⲟϩⲓ ⲙⲙⲟϥ
طبعا في مصطلحات كتير زي كدة مش مكتوبة في القاموس زي
بيني و بينك
ⲟⲩⲧⲱⲓ ⲛⲉⲙⲁⲕ
غير تركيبات الجمل
انا شخصيا لما بكون مش متاكد بدور على جملة في الكتاب المقدس يكون ليها تركيبة قريبة من تركيبة الجملة اللي عايز اترجمها عشان اضمن صحة المصطلحات

هذه المشكلة حلها القراءة القراءة
وانا اواجه هذه المشكلة كثيرا بالمناسبة
كمان لازم يكون هناك طرق مبتكرة لتعليم القبطي
مثل افلام ومساسلات وبكده الناس
تتعود على سماع المصطلحات