العجز فى اللغة القبطية

[batroc]

العجز فى اللغة القبطية معناه إن واحد يكون عارف كلمات كتير ، وبيقرأ النص كويس .. لكن لما يجى يكوّن جملة يعجز عن تركيبها

والسبب الأول فى حالة العجز هو نقص الكلمات

والسبب التانى : عدم وجود المناهج الوافية ، وإقتصار الكتب الموجودة على كتب النص ، وقواميس ( غير متكاملة ) ، وكتب للنحو الأولى أو مقدمة فى النحو

والسبب التالت : عدم تعمق الشخص فى دراسة النص

مشكلة اللغة القبطية لها 1000 سنة ولايمكن حلهـا فى سنة أو إتنين ، نحتاج لـ 100 سنة لحل مشكلة اللغة

ء 30 سنة لدراسة اللغة والتعمق فى دراسة النص ومعرفة دقائقه وإعداد المناهج ، و 30 سنة للتمرين على اللغة ، و 30 سنة لنشر اللغة بين جماعات من الناس ( اى تحويلها للغة حية ) ء

[Rafcwt]

المشكلة مش فى الى انت بتقولة علشان تعرف تعمل تراكيب كويسة لازم تقراء كتير و فى مواضيع متنوعة و للاسف كل الى حلتنا كتب كنسية ماتساعدش على اثراء الغة فالمشكلة فى قلة النصوص (المخطوطات) الغير دينية و عدم وجدها فى ادينا
علشان كدة يا ريت نعمل موقع او حتى على الموقع ده الى عنده اى نص قبطى سواء مخطوطة او كتاب عبارة عن نشر مخطوطة و ده موجود كتير برة يحطة على الموقع و انا ادتلكم قبل كده السلالم القبطية و يا ريت تضيفوا المزيد و الى عايز يعرف اسامى كتب و يدور هو عليها انا ممكن ابقى اكتيهاله

[batroc]

النصوص القبطية رغم محدوديتها لكنها كافية ، ولا أعتقد إنه فيه واحد إطلع عليها كلها
مانحتاجه هو الإنشغال باللغة بشكل مستمر ومكثف
والكتابات الجديدة لأبونا شنودة تثبت إمكانية الكتابة بالقبطى وتطويره حتى الوصول لإتقان اللغة

[Rafcwt]

أولا الكتابات القبطية مش كافية ولا حاجة لان كلها بتتكلم فى نفس الموضوع يعنى امور دينية يعنى انت ناقصك مصطلاحات كتير ده غير اسلوب اللغة الى مش هانعرفة من التصوص الدينية فقط خاصة ان كلها قصص او عظات يعنى الاسلوب العلمى احنا مانعرفوش مثلا فالموضوع مش بعدد النصوص على قد ما هو بتنوعها و غزارت مواضيعها و تنوع الناس الى كتباها
و موضوع الانشغال باللغة ده ماحدش مانعك منه لكن انت قصدك الانشال باى نوع
اما عن الكتابات بتاعت ابونا دى محاولات فردية و دية ماتعبرش عن اسلوب اللغة الاصلى الى كان الاقباط بيكتبوا او بيتكلموا بيه لكنه قرب منها جدا لكن لازم نعرف ان لسة فية تانى
لاحظ انى مابتكلمش على معرفة شوية كلمات او معرفة قواعد فى حاجة مهمة فى اللغة اسمها الاسلوب و دية احنا مفتقدنها نتيجة اندثار اللغة و قلة المصادر بس مش معنى كدة ان ديه نهاية العالم بس لازم نواجه الحقيقة و بدل ما نعد نقول ان الى عندنا كفاية نحاول ندور على الى مكتوب علشان نثرى لغتنا يعنى ابونا شنودة مثلا قراء نصوص قبطى كتير جدا علشان كدة تلاقى كتابتة كويسة
و علشان كدة انا بتمنى ان الى عند اى مصدر للغة يعنى نصوص من الكتاب المقدس, سيرة قديسين, تاريخ الكنيسة.............. يحتة على النت علشان نساعد بعض فى تنمية لغة اجدادنا
انا مش مختلف معاك فى حتة قلة المفردات فى اللغة ده كلام صحيح لكن احنا مافيش فى ادينا حاجة نعملها لما ربنا يسهلها و يكتشفوا مخطوطات تانى نقدر نزود مفردات اللغة لكن انا قصدى ان المشكلة الحقيقية فى احاء اللغة هى استاعدة اسلوب اللغة (بالنسبة للوضع الراهن يعنى)

[abo_dokhana]

فيه محاولات كتيرة لأحياء القبطي
مثل هذه المواقع
توجد اسر قبطية تحافظ على القبطي وتتكلم به
كمان في البال تالك دردشة قبطي
ممكن تكون مشاريع ف المستقبل اقوي
زي قناة تليزيونية او اذاعة

[Admin]

لو تعرف اسره واحده في مصر كلها لسه بتتكلم القبطي الحقيقي (القبطي القديم) يبقى يا ريت تقولنا عليها

[batroc]

للأسف موضوع اللغة القبطية مليان إشاعات

[abo_dokhana]

لو تعرف اسره واحده في مصر كلها لسه بتتكلم القبطي الحقيقي (القبطي القديم) يبقى يا ريت تقولنا عليها

في الحقيقة معرفتي بيها موحدودة كنت اتكلم معاهم في البال تاللك لكن نظرا لأنقطاعى
عن النت انقطعت عنهم
بالمناسبة القبطي انقطع منذ حوالى 300 سنةتقريبا بس من الحياة العامة
وكان زي النوبي دلوقتي