صلاة يوم الجمعة العظيمة في العياط

[Admin]

 يا ريت اللي  يقدر يحضر صلاة الجمعة العظيمة معانا في كنيسة الملاك ميخائيل بالعياط يجي
عشان هنصلي  كلنا   باللفظ   القديم
التجمع الساعة  تمانية صباحا عند محطة مترو  المنيب
يوم الجمعة 6 ابريل 2007
تعالوا و ادعوا الاخرين

[Admin]

تقريبا مفيش حد استجاب
اتنين بس من طلبة المعهد القبطي جم معايا
الرحلة كان ليها سلبيات كتير جدا لدرجة اني مش هكررها تاني
مش هكتب السلبيات دي لاني اظن ان مفيش حد مهتم
الصلاة اتسجلت فيديو لكني مقدرش احمل خمسميت ميجه عالنت عشان في الاخر محدش يسمعهم

عموما دي شوية صورة اخدتها في اليوم ده

      

Thanks to ImageShack for Free Image Hosting

[ameer_c2001]

ربنا يعوض تعب محبتك يا باشا
لو كنت من سكان مصر كان انضميت إلك بكل تأكيد

انت عملت الي عليك وبرأت ذمتك , وكل سنه لازم تعمل الي عليك , وهم حُرين يحضر الي يحضر


على فكره انا مش متأكد بس شايف طرف كاهن , وشبهته لاحد الاباء عندنا فما اسم هذا الكاهن ؟؟؟ هل هو ابونا انطونيوس ؟؟؟

[Admin]

لا هو اسمه ابونا ايوب
هو من الكهنه القليليين جدا اللي بيستخدموا اللفظ القديم
لكن للاسف هو مش متمكن اوي فكان كلامه حبه حديث على حبه قديم
و ساعات نص الكلمه يقولها بالحديث و النص التاني بالقديم
طبعا مفيش داعي اقولكم على قرايته للانجيل القبطي

الخورس كان جزئين بحري و قبلي
احنا كان الخورس البحري و كنا بنصلي بالقديم
و النحية التانية كان الخورس القبلي و بيصلوا بالحديث
و ابونا في النص بيصلي بالاتنين

تقريبا مكانش في حد واخد باله انه بيصلي يوم الجمعة العظيمة
كتير من الناس كانوا بيحكوا مع بعض حتى ابونا كان بيحكي
عشان كدة كان صعب عليه يسكتهم
المشكلة كمان ان احنا كنا مركزين اوي على القبطي و نسينا تماما ان الشعب مش فاهم
اغلب او كل الصلاوات اللي ممكن تتقال قبطي او عربي كانت بتتقال قبطي

محسيتش باي روحانية في اليوم ده
على الاقل سجلت الصلاة للذكرى عشان لما القبطي القديم ينتشر
يفضل الفيلم ده شاهد على وضع اللفظ القبطي في الوقت الحالي

[ameer_c2001]

طب متبعتلنا الفيلم نتفرج على الجمعه العظيه باللفظ القديم ؟؟؟

[Admin]

ده جزء من الصلاة
http://uk.video.yahoo.com/video/play?vid=423768

[ameer_c2001]

de shav ehmot endodk

[batroc]

الصلاة بالقبطى لازم تكون لناس بيدرسوا القبطى
يعنى يتعمل مكان مخصوص للقبطى والناس تبقى عارفة إن الصلاة هتبقى  بالقبطى
الصلاة بالقبطى هى عامل مساعد لدراسة القبطى ولافائدة لها إن لم تكن مرتبطة بدراسة اللغة
والله أعلم

[Admin]

في بعض الاحيان تكون الصلاه بالقبطي هي السبب الأساسي في تشجيع الناس  على دراسة اللغة
كما ان الصلاة باللغة القبطية هو الذي حفظها حتى وقت قريب - اعني حتى قام البابا كيرلس باصلاح اللغة 

[batroc]

إحنا عاوزين نعرف ليه الناس قبلوا إستعمال القبطى بدون فهم فى الكنيسة لمدة 13 قرن ورفضوه فى ال 50 سنة الأخيرة
فى الماضى الناس كانت تعمل فى الزراعة ولاتتلقى تعليم قبطى أو عربى
ولكن فى ال 50 سنة الأخيرة الدولة علمت الناس العربى ولم يتعلموا القبطى وأعداد كبيرة من الناس تركوا الزراعة وعملوا موظفين بناء على حصولهم على التعليم العربى
فأصبح العربى هو تعليم وسبب للرزق ، فى حين إستمر الناس على جهلهم بالقبطى كما انهم لم يستفيدوا منه مادياً مثلما إستفادوا من معرفتهم اللغة العربية
بالإضافة إلى أن تلقى الناس تعليم حكومى دفع الكنيسة إلى تقديم تعليم كنسى طبعاً باللغة العربية
فالناس حسوا إنهم غير مرتبطين بالقبطى لأنهم لم يتعلموه ، وكذلك لم يربحوا منه مالاً ، وكذلك بيتعلموا الأمور الكنسية بالعربى
فإبتدأوا يرفضوا القبطى الذى لم يتعلموه ولم يستفيدوا منه مادياً أو علمياً

[Admin]

لو في حد عنده شركة و امكانياته المادية كويسه ممكن يخلي التعاملات داخل الشركة باللغة القبطية
و في اعلانات طلب الوظايف يشترط اجادة اللغة القبطية
مش شرط يعني ان الموظفيين يتكلموها لبلب لكن على الاقل عارفين الكلمات اللي بتسخدم كتير في الشغل
زي البيع الشراء الثمن الكميه الحجم تصدير استيراد تمويل قرض خسارة مكسب الخ الخ

لكن طبعا المشكلة ان  اللي هيطلب الطلب ده هيبقي واضح جدا انه مش عايز غير اقباط
الحل اما ان الموظف يتعين الاول و بعدين تتعمله دورات تدريبيه في اللغة
او يتفتح معهد للغة خارج نطاق الكنيسة
الحل الاول اوقع و الحل التاني افضل

العائق الحقيقي الوحيد ان اغلب الاغنياء المسيحيين في مصر ميهمهمش اوي موضوع اللغة ده
و الباقي عارفين الفا فيتا  بالعافية