Our Coptic language > Coptic Articles

قواعد نطق الحروف القبطية

(1/4) > >>

Admin:
المقالة دي بتشرح ازاي تنطق الحروف القبطية بنطقها الاصلي
للأسف مفيش اي مراجع تحت ايدي بتوضح قواعد النطق
فالكلام اللي انا بقوله ده هو مجرد خبرتي الشخصية و بالتالي انا منصحش اي حد انه يعتمد عليه بشكل كلي
و يا ريت لو قلت حاجة غلط حد يصححهالي

The Letter Ⲁ
ينطق الف مفخمة عادة و في بعض الاحيان ينطق الف غير مفخمة
و ملهاش قاعدة للأسف
زي ما بنقول مقاريوس او مكاريوس
و ان كنت انا اعتقد - مجرد اعتقاد شخصي - ان الالفا كانت زمان بتتفخم دايما

The Letter Ⲃ
ينطق واو اذا جاء بعده حرف من الحروف المتحركة
Ⲁ Ⲉ Ⲟ Ⲓ Ⲏ Ⲩ
لو جه في اخر الكلام او جه بعده حرف ساكن بيتنطق ب

The Letter Ⲅ
نفس نطقه بالحديث بنفس القواعد
بس بدل الجيم في جيم معطشة

The Letter Ⲇ
ينطق دال دايما

The Letter Ⲉ
ينطق الف مخطوفه زي الفاتحه في العربي
مثل: فن دم مد شد الحد السد

The Letter Ⲍ
ينطق زين دايما

The Letter Ⲏ
غالبا بيتنطق الف ممدودة خصوصا في الكلمات القبطي
لكنه ساعات بيتنطق ياء تقيلة
انا معرفلهاش قاعدة لكن في الكتب اللي ابونا شنودة ماهر كاتبها
هتلاقي دايما تحته نقطة لو بيتنطق ياء و فوقه نقطة لو بيتنطق الف ممدودة
القاعدة الوحيدة اللي انا متاكد منها انه بيتنطق الف لو جيه بعده يوضه

The Letter Ⲑ
دايما ت

The Letter Ⲓ
دايما ي قصيرة
The Letter Ⲕ
دايما كاف
The Letter Ⲗ
لام
The Letter Ⲙ
ميم
The Letter Ⲛ
نون
The Letter Ⲝ
كس
The Letter Ⲟ
واو قصيره
The Letter Ⲡ
ب
The Letter Ⲣ
ر
The Letter Ⲥ
س
The Letter Ⲧ
اذا جه في اخر الكلمة ينطق تيه
غير كدة بننطقه دال
القاعده دي ليها شواذ كتير خصوصا في الكلمات اليونانية

The Letter Ⲩ
دايما ينطق واو في الكلمات القبطية
عادة ينطق ياء في الكلمات اليونانية

The Letter Ⲫ
ف لو بعدها أيا او ألفا
 ب في باقي الحالات
القاعدة دي بالذات محتاجة مراجعه من حد تاني
كمان في كلمات الحرف ده ممكن يتنطق فيها ب او ف
في كتب ابونا شنودة الحرف ده بيكون تحته نقطة لو كان ب

The Letter Ⲭ
ك في الكلمات القبطي
ك ش خ في الكلمات اليوناني

The Letter Ⲯ
بس

The Letter Ⲱ
واو مفخمة

The Letter Ϣ
ش
The Letter Ϥ
ف
The Letter Ϧ
خ
The Letter Ϩ
غالبا هـ لكن في بعض الاحيان النادرة بتتنطق ح
The Letter Ϫ
جيم معطشة
الجيم العادية بالمناسبة مش موجوده في القبطي القديم خالص

The Letter Ϭ
شين او شين مشدده

The Letter Ϯ
دي

ragui:

--- Quote from: Admin on 26 September , 2007, 09:16:30 PM ---

The Letter Ⲅ
نفس نطقه بالحديث بنفس القواعد
بس بدل الجيم في جيم معطشة


--- End quote ---
هو يعنى ايه جيم معطشة؟؟ :)
على فكرة موضوع حلو جدا بس ياريت لو تقدر تحطلنا مثل على كل نطق  علشان
الفكرة توضح اكتر
ربنا يعوض تعب محبتك

Admin:
جيم معطشة زي حرف
j
بالانجليزي
مثلا الجيم اللي في كلمة جورج دي جيم معطشة

ragui:
aaaah merci

sano:
موضوع رائع  :D

Navigation

[0] Message Index

[#] Next page

Reply