Our Coptic language > Ask

مساعدة بسيطة فى النطق

(1/2) > >>

ragui:
ممكن حد يشرحلى ايه الفروق بين النطق القديم و الحديث و  بين النطق القبطى و
اليونانى ???

 

Admin:
اغلب الحروف القبطية احنا اصلا مستلفينها من اليونانيين
زمان اليونانيين كانوا بينطقوا حروفهم بطريقة معينة
و بعد ما استلفنا حروفهم و كتبنا بيها لغتنا لمئات السنين اليونانيين غيروا نطق الحروف بتاعتهم
احنا طبعا كنا وقتها خلاص ملناش دعوه بيهم خالص فمأثرناش بالتغيير ده
لغاية ما العلاقة بينا زادت اوي في القرن التمنتاشر
ساعتها قررت قيادات الكنيسة ان احنا كمان نغير نطق الحروف زي ما هما غيروها
و بقى اسمه النطق الحديث للحروف
و هو ده للأسف اللي بنصلي  بيه
و النطق القديم هو النطق الاصلي اللي قرب يندثر

الفرق في  النطق ما بين الحديث و القديم موجود في اللينك ده
http://kame.danacbe.com/index.php?topic=118.0

ragui:
طبو ايه علاقة دة كلو بالعيروغليفى, انا دايما كنت بسمع ان اللغة القبطية هى هى اللغة المصرية(الهيروغليفية)و شكرا على الشرح

ragui:
و فى سؤال تانى, هما ليه اصلا اليونانيين غيروا نطقهم؟

Admin:
الحقيقة ان القبطي و الهيروغليفي مش لغات
دول طرق كتابه
اللغة هي اللغة المصرية
ممكن تكتبها بحروف هيروغليفيه او قبطية او ديموطيقية او هيراطيقية

انا مش عارف ليه اليوانيين غيروا نطق الحروف
بس دي صفحة من موقع بي بي سي مكتوب فيها النطق الاصلي و الحالي للحروف اليونانية
http://www.bbc.co.uk/dna/h2g2/A216073

Navigation

[0] Message Index

[#] Next page

Reply