Advanced Search

Author Topic: يعني ايه خط قبطي يونيكود  (Read 6916 times)

30 June , 2009, 10:29:05 pm
Read 6916 times

Offline Admin

  • Administrator

  • *****

  • 1082
    Posts

    • Ⲧⲉⲛⲁⲥⲡⲓ
يعني ايه خط قبطي يونيكود
« on: 30 June , 2009, 10:29:05 pm »
قبل ما اتكلم في الموضوع لو مش عارف تشوف الكلمة اللي دي
Ⲥⲁϫⲓ
 يبقى انت محتاج الخط ده
http://kame.danacbe.com/Fonts/ArialCoptic.ttf
بعد ما تنزل الخط اعملة ستب لو مش عارف ازاي في شرح هنا بالعربي
http://www.damasgate.com/vb/t106713/
او ده
http://www.compuhot.com/computer-internet-lessons.asp?c=2&articleid=5702

دلوقتي بقى نفهم يعني ايه خط يونيكود و ليه احنا بنستخدمة هنا
كلمة ساجي هكتبها مرتين مرة بخط الاسكي و مره باليونيكود
Caji دي بالأسكي
Ⲥⲁϫⲓ دي باليونيكود
لو حاولت تعمل كوبي للكلمة الاول و تعملها بايست في المنتدي او في اي مكان تاني هتطلع كدة
Caji
انما التانية هتطلع مظبوطه او مكانها مربعات لو عملتلها بايست في المنتدي
طيب ليه؟ مع ان الاتنين شكلهم زي بعض
يعني ايه يونيكود و يعني ايه اسكي؟؟

انا فكرت اكتب المقالة دي عشان في ناس كتير سألت في الموضوع ده
خلينا قبل ما نقول يعني ايه خط يونيكود نفهم الاول ازاي بنقدر نكتب و نقرا الكلام على الكمبيوتر
الكمبيوتر يا جماعة مابيفهمش اي حاجة غير ارقام
مينفعش تسجل على الكمبيوتر اي حاجة غير ارقام و بس

طيب ازي احنا بنعرف نسجل على الكمبيوتر مقالات و كتب و اغاني و افلام فيديو
ببساطة كل الملفات دي بتتسجل على انها ارقام و البرنامج اللي بتستخدمة عشان
يفتحها هو اللي بيترجم الارقام دي للشكل اللي تفهمه انت

عشان كدة مينفعش تشغل اغنية من غير ما يكون عندك برنامج يشغل الاغاني
و ساعات كتير واحد ميعرفش يشغل ملف فيديو معين عشان البرنامج اللي بيستخدمة مقدرش يفهم الارقام المتسجلة كويس

بس ملفات الصوت و الفيديو متهمناش دلوقتي خلينا نتكلم اكتر عن ملفات الكتابة
ازاي الكمبيوتر بيسجل الحروف على انها ارقام؟
كل حرف ممكن تكتبه على الكيبورد بتاعتك ليه رقم
يعني مثلا حرف الايه الانجليزي الكابيتال ليه كود رقم 65
حرف البي الانجليزي ليه كود رقم 66
و برنامج الكتابه بتاعك عنده جدول كبير فيه كل الحروف اللي في الدنيا و الكود بتاع كل واحد فيها
فلما تيجي تفتح ملف بيتدي برنامج الكتابه يقرا اول رقم
لو طلع 65 هيكتبلك حرف الايه على الشاشة لو طلع 66 هيكتبلك بي و هكذا
و بعدين يشوف الرقم اللي بعده و اللي بعده لغاية ما الكتابة كلها تطلعلك

طيب احنا دلوقتي عرفنا الكمبيوتر بيسجل الكتابة ازاي بس في سؤال
ازاي برنامج الكتابه بيعرف يكتب حرف الايه او البي او غيره؟
هو إش عرفه حرف البي ده شكله ايه وللا بيتكتب ازاي
في نوع من الملفات اسمه فونت الملف ده عبارة عن جدول
 فيه كل حرف و طريقة رسمه بالتفصيل

فبرنامج الكتابه بتاعك بعد ما بيعرف بترجم الرقم لحرف بيروح يفتح ملف الفونت (او الخط) و يشوف طريقة رسم الحرف ازاي
و بعدين يروح راسملك الحرف على الشاشة
فالبرنامج بيرسملك الحروف على حسب الفونت (الخط) اللي بتختاره

و بعد ما فهمنا كل ده تعالوا بقى نشوف الكتابه القبطي بتتسجل ازاي
احنا اتفقنا ان كل حرف في الدنيا ليه كود حتى العربي و الياباني و الهندي
طيب بالنسبة للقبطي؟
القبطي زي مااحنا عارفين انها لغة ميته و بالتالي محدش اهتم بخصص لها اكواد
و بعدين احنا حلينا المشكلة دي ازي؟
بصراحة احنا مكانش قدامنا غير اننا نغش
نغش؟؟ نغش ازاي يعني؟
قاللك بسيطة قوي مش برنامج الكتابه بيعتمد على ملف الفونت عشان يشرحله طريقة رسم كل حرف؟
خلاص احنا هناخد واحد من ملفات الفونت دي و نمسح منها طريقة رسم حرف الايه و نحط مكانه طريقة رسم حرف الالفا
و نمسح طريقة رسم حرف البي و نحط مكانها طريقة رسم حرف البيتا
و بكدة لما اكتب في برنامج الكتابه حرف الايه هيروح راسملي حرف الالفا
و لما هيجي يسجلها هيسجلها على انها حرف ايه بكود رقم 65
و لما يحاول يعرضها تاني هيبص على طريقة الرسم في ملف الفونت اللي انا معدله و يرسمهالي الفا

بس خد بالك لو حاولت تغير الخط و تستخدم اي خط تاني غير اللي انت معدلة الكلام كله هيطلع انجليزي عادي
طبعا فاهمين ليه

النوع ده من الخطوط (اللي احنا غشينه) بنسميه اسكي فونت ASCII Font

بس استنوا القصة لسة مخلصتش
من فترة قريبة قررت المنظمة المسؤلة عن تخصيص كود لكل حرف
قررت انها تخصص اكواد للحروف القبطي معترف بيها على مستوي العالم
فجاة بقي ممكن اسجل الحروف القبطي على انها حروف قبطي فعلا مش على انها حروف انجليزي زي ما كنت بعمل في الاول
 و فجاه برضو بقى موضوع غش الفونتات ملوش لزمة خالص
بدل ما نمسح طريقة رسم الايه و نحط مكانها طريقة رسم الالفا
دلوقتي ممكن نحط طريقة رسم الالفا في مكانها بتاعها المخصص ليها و المعترف بيه في كل حته في الدنيا
و النوع ده من الخطوط اسمه خطوط اليونيكود و هو ده النوع اللي احنا بنحاول نشجع الناس تستعمله

طبعا انت لو بتستخدم خط اليونيكود و حاولت تكتب حرف الايه هيطلعلك حرف الايه
امال لو عايز اكتب حرف الالفا اعمل ايه؟
للأسف حاليا لازم تستخدم برنامج كتابه قبطي زي ده
http://danacbe.com/CopticEditor/ce.html
و ممكن تستخدم الموقع ده
http://danacbe.com/converter/
عشان يحوللك الحروف الانجليزي لقبطي
وكمان ممكن تستخدم البرنامج ده عشان يبقى عندك كيبورد عربي
http://www.moheb.de/setting_keyboard.html
و هحاول احطلكم هنا اي طرق تانية ممكن الاقيها

سؤال اخير
انت قلت في اول المقالة اني لو حاولت اعمل بايست للكلمة المكتوبة باليونيكود ممكن يطلع مكان الحروف مربعات ليه بقى؟
زي ما اتفقنا ان طريقة رسم الحروف بتبقى مستجلة في ملف الفونت (الخط) اللي انت بتستخدمة
للأسف عشان موضوع خط اليونيكود القبطي ده لسه جديد اغلب الخطوط اللي عندك مش مكتوب فيها طريقة رسم الحروف القبطي و عشان كدة ممكن يطلعلك مكانها مربعات
بس في المستقبل مفروض ان الحروف القبطي تظهرلك مهما كان الخط اللي بتستخدمة
« Last Edit: 13 February , 2011, 01:43:22 am by Admin »

30 June , 2009, 10:48:43 pm
Reply #1

Offline Admin

  • Administrator

  • *****

  • 1082
    Posts

    • Ⲧⲉⲛⲁⲥⲡⲓ
Re: يعني ايه خط قبطي يونيكود
« Reply #1 on: 30 June , 2009, 10:48:43 pm »
ملحوظة الشرح اللي انا كتبه ده مبسط زيادة عن اللزوم
طريقة قرايه و كتابة الحروف من ملفات الكتابه مختلفة شوية عن اللي انا كتبته
انا بس كان اهم حاجة عندي ان الناس تفهم الفكرة

05 June , 2011, 03:31:23 am
Reply #2

Offline Admin

  • Administrator

  • *****

  • 1082
    Posts

    • Ⲧⲉⲛⲁⲥⲡⲓ
Re: يعني ايه خط قبطي يونيكود
« Reply #2 on: 05 June , 2011, 03:31:23 am »
English translation of the above article

before I talk, if u can't see the following word
Ⲥⲁϫⲓ
then u need to install this font
http://kame.danacbe.com/Fonts/ArialCoptic.ttf
after downloading it, install it
[ if u don't know how to install fonts read this article http://support.microsoft.com/kb/314960 ]

now lets understand what is the meaning of "unicode font" and why we use it here
the word "caji" I will write it twice once with ASCII font and another time with unicode

Caji this with ASCII
Ⲥⲁϫⲓ this with unicode
if u tried to copy the first word and paste it in the forum or anywhere else it will be shown like that
Caji
the second one on the other hand will either appear as squares or as coptic letters if u tried to paste it in the forum [ i.e. put it in a topic and post it ]
why is that ? although both words looks the same
what is the meaning of unicode and what is the meaning of ASCII?
[ SKIPPED PART] -- u will find many articles answering this question in english online

so how do I write in Coptic unicode?
currently u can use the coptic editor
http://danacbe.com/CopticEditor/ce.html
or u can use this website to convert between ASCII and Unicode
http://danacbe.com/converter/
or use this coptic keyboard
http://www.moheb.de/setting_keyboard.html
i will try to post any other methods I find

final question:
Although I have installed the unicode font u suggested, i still see the squares in some other places (other than this forum)
unicode support for coptic language is pretty recent, not all fonts has the coptic letters yet
if u tried to use coptic text (in unicode) in other websites, there is a heigh chance that this websites will use different fonts which doesn't support coptic letters yet. try to change the default font of your browser/user system as work around.