اكذوبة ما يسمي باللفظ البحيري القديم - اكتشف بنفسك

[okeen888]

كلمة اسكيم لو اتنطقت باللفظ اللي بتعتقدوا انه صح
هتبقي اسكام (جنكم سيما-كي -ايتا - مي)
لان حرف ال ايتا بتنطقوه حضرتك الف
وبالتالي باظت الكلمة تماما
 
yes كلمة سي بمعني نعم او
حروفها ( سيما - اي ) و حرف اي
ينطق الف فهتبقي سا
]][
كلمة ترابيزة - كلمة قبطية صميمية - بمعني منضدة
هتبقي ترابازة ( تاف - رو - الفا - بي - اي -الفا ) لانكم
 بتنطق حرف ال اي الف
هتبقي ترابازة
 
كلمة مينا - مارمينا
هتبقي مانا وحروفها هي
(مي - ايتا -ني -الفا)
لان الايتا بتنطق الف
 
كلمة ايريني - القديسة ايريني
حروفها ( اي- يوتا - رو -ايتا ني - ايتا )حرف
اي ينطق مثل الف و حرف ايتا- هاده
ينطق الف فتبقي الكلمة ايرانا

 كلمة شنودة بتكتب كالتالي
(شاي- اي-ني-او - تي)
ولان حرف ال اي بتنطقوه زي ال الف
هتبقي اسمه شانودي
 
كلمة انا سيمون - القديسة انا سيمون
هتبقي باللفظ القديم انا سامون
حروفها ( سيما - اي -مي - اوو - ني) وحرف اي
سيادتكم بتعتقدوا انه زي الالف
وبالتالي النتيجة تشوية الاسم انا سامون

كلمة جلجثة هتنطقوها جلجتة
و حروفها ( جما - او - لفلا -جما - او -ثيتا -الفا ) و حرف
الثيتا انتوا بتنطقوه ت علي طول
و بالتالي هتبقي اسمها جلجتا
مع ان بالعبري واليوناني و الارامي اسمها بال ث
 
القديس الانبا ايسيذورس
كلمة ايسذوروس حروفها
(ايتا - سيما - ايتا -دلتا - اوو -رو -او - سيما )
ههههههه حاولوا تقروها بالقديم
حرف الدلتا هنا ينطق ذ وليس د
ولكن بالقديم هتبقي الكلمة اسادوروس
اسم القديس اتشوه تماما

كلمة اغابي - محبة  معروفة دي
حروفها ( الفا - جما - الفا - بي -ايتا ) وبما انكم
بتنطقوه ال ايتا الف
هتبقي اسمها اغابا مش اغابي
فعلا هي دي لغة الاباء
 
كلمة بربارة - القديسة العفيفة بربارة
تنطق باللفظ المزعوم ورواره وحروفها هي
( بيتا- الفا - رو - بيتا -الفا - رو - الفا )
لان حرف البيتا اللي اسمه هههههه ويــــضا
ينطق واو اذا جاء بعده حرف متحرك زي الفا

كلمة رشيد - مدينة
هتنطقوها ( رو -الفا - شاي - ايتا - دلتا ) هتبقي
راشاد مش رشيد لان ال ايتا عندكم زي ال الفا
 
كلمة بقطر- الشهيد المصري العظيم ماربقطر
تنطق باللفظ القديم وكتور مش بقطر
( بيتا - او - كبا - تاف-او -رو )
وبالتالي نتيجة المعادلة الظريفة دي
اسم الراجل اتشقلب وبقي وكتور
لان بعد ( البيتا ) الويضا حسب كلامكم حرف متحرك

كلمة فيرينا- القديسة فيرينا
حروفها (بيتا- يوتا -رو-ايتا-ني- الفا )وكما تزعمون
ان حرف البيتا ينطق واو اذا جاء بعده
حرف متحرك و حرف الايتا ينطق الف
اذا فاسم القديسة اصبح - ويرانا
و من المعروف ان اسمها هو فيرينا حتي
لدي السويسريين

القديسة رفقة - كلمة رفقة
تنطق بلفظكم المصون ؟؟؟
( رو - اي- بيتا - اي -كبا - كبا -الفا )
هتطلع ايه يا شاطرين
برافو عليكم هتطلع اسمها راواكا
هو ده اللي عايز يصلحه اللفظ القديم فعلا
لان ال اي تنطق الف و البيتا بعدها حرف متحرك
 
كلمة شيهيت - برية شيهيت
حروفها ( شاي -يوتا -هوري - ايتا - تاف ) و هتبقي
اسمها شيهات مش شيهيت
 
كلمة ايفا يعني حواء - ادم وحواء
ستنطق بلفظكم ايا أو اوا  وليس ايفا
حروفها ( اي - ابسلن (ها )- الفا ) لان حرف
الابسلن بينطق عندكم و  دايما 

اسم يوستينا - القديسة يوستينا
حروفه ( يوتا - او - ايسلن - سيما - تاف - يوتا - ني -الفا )و
بالتالي اسم القديسة  بالقديم اصبح يوســطينا

كلمة غريغوريوس - القديس غريغوريوس
حروفها (جما - رو -ايتا -جما - او - رو-يوتا - او -سيما ) و
حرف الايتا زي ماعرفنا فهيبقي اسمه غرا غوريوس

كلمة ديديموس - القديس ديديموس الضرير
لو نطق باللفظ اللي بتظونوا انه صح هيبقي    ديضاموس
(وحروفها دلتا - يوتا - دلتا - اي - مي - او -سيما
وبالتالي اسم القديس اصبح ضيضاموس

القديسة مهرائيل - كلمة مهرائيل
لو نطقناها حسب تعاليمكم هتبقي مهرائال
حروفها ( مي - او - هوري- رو - الفا - ايتا - لفلا )لان
حرف ايتا ينطق ي في القديم في الكلمات القبطية

كلمة ادم - ادم وحواء حروفها
(الفا- دلتا- الفا- مي)
و دلتا اذا جاء بعدها الفا بتضخم- علي كلامكم
اذا ادم هيبقي اسمه اضام

كلمة اوجين او اوكين - القديس الانبا اوكين
هتتنطق باللفظ المزعوم اوجان حروفها
(او - جنجا - اي- اي - ني )
رغم ان كل مخطوطات اللغة السريانية تؤكد ان
اسم القديس هو اوجين بالقبطية واوكين بالسريانية

كلمة صموئيل  هتنطق صموئال
حروفها (سيما - الفا - مي -او - ابسلن - ايتا - لفلا )لان حرف ال ايتا
زي ال الف عندكم هتبقي صموئال
 
دي بس شوية امثلة من بحور الاخطاء اللي هيوقعنا فيها اللفظ القديم ( علي كلامكم )ز
وبكده يبقي اللي عمله عريان افني زي مابتعتقدوا عمله برضة ايميل ماهر
و الفكرة اللي اتحمسلها عريان و اندفع ليها بدون تفكير ( زي مابتقولوا ) هي هي الاندفاع اللي عندكم
وممكن يببوظ اللغة

ياريت كل واحد يبقي قلبه علي اللغة فعلا
مش قلبه علي لفظ معين و مصر عليه و معتقد انه هو الصح والباقي غلط
اللي قلبه علي اللغة و فعلا انسان مسيحي هيبقي في قلبه محبة لرأي غيره
وعنده شجاعة ادبيه انه يعترف انه كان غلطان وانا اولكم علي فكره

 

و فين حرف التاف  او ضــــــ؟ــــــــــــاو زي ما بتقول
و ايه قواعد النطق فيه يعني امتي يكون
ط ، ض،د،ت
انا عمري ما شوفت في اي لغة من اللغات الحية والميتة حرف ليه اربع  اصوات
هههههههههه
         

[Admin]

الحرف ليه نطقين ت او دال
و لما يجي وراه حرف تفخيم زي الالفا الت بتيقى ط و الدال بتبقى ضاد
نفس الحكاية حرف السيما س بس قبل حروف التفخيم بيبقى ص
و التيتا نفس الحكاية قبل حروف التفخيم بتبقى ط
و الكببا قبل حروف التفخيم بتبقى ق
و هكذا
انما لو عايز حاجة تضحك بصحيح هو حرف الدلتا
اول مره فعلا اسمع عن حرف ليه نطق في اسماء الناس و ليه نطق تاني في باقي الكلمات
دي اللي عمرك ما هتلاقيها في اي لغة في العالم ولا حتى اليوناني

[okeen888]

اديني مثل
عشان عايزة اضحك

[Admin]

هو انتي تعرفي حرف الدلتا بيتنطق ايه في القبطي الحديث؟
بالنسبة لينا احنا بننطقة دايما د
يا ترى حضرتك بتنطقية ايه؟ و لو ليه كذا نطق ايه القاعدة؟

[okeen888]

مين احنا و مين انتوا ده يابني
احنا واحد وكده انت بتحاول تعمل جماعة مستقلة
علي فكرة مكس ميشيل في الاول كان كده برضة
مكنش بيقبل اراء الاخرين ويدرسها بحيادية و يعتقد انه هو صح علي طول الخط

حرف الدلتا ينطق د دايما في الكلمات الصعيدي
وخاصة اسماء الاعلام والبلاد
وينطق ذ في الكلمات اليونانية

[Admin]

قواعد نطق حرف الدلتا في اللهجة اللي الكنيسة عملتها بتقول
ان حرف الدلتا يتنطق د في اسماء الاعلام و ذ في غير كدة
حضرتك ممكن تسالي اي خادم تعرفيه عن نطق الحرف ده لو مش مصدقاني

[Admin]

حرف الدلتا ينطق د دايما في الكلمات الصعيدي

حرف الدلتا اساسا عمره ما يجي في كلمة صعيدي

[okeen888]

اه زي داوود بالصعيدي بتتنطق ايه !!؟
كلام عجيب

[okeen888]

كلام عجيب
معني كده ان شنوده هتنطقوها شانودي
و فيرينا هتبقي بارينا او وارينا
و مينا هتبقي مانا

ومصدقين انتوا بامانة ان الحروف دي صح
           

[abo_dokhana]

حرف الاييه ينطق الف قصيرة  او فتحة واحيانا قليلة يكون ممدود
مثلا كلمة
pe
تنطق به-لاحظ الالف القصيرة وكأنها هاء لكنها ليست كذلك
اما كلمة
pa
تنطق با اي الف واضحة طويلة اما تكون مفخمة او مرققة وان كانت مفخمة اكثر صحة

اما الهاده او الهيده فتنطق اما بين الفتح والكسر طويل
وهذه الحركة لا وجود لها في العربية وموجودة في اللغات السامية الاخرى العبرية والسيريانية
مش عارف امثلها لك ازاي

[abo_dokhana]

و فين حرف التاف  او ضــــــ؟ــــــــــــاو زي ما بتقول
و ايه قواعد النطق فيه يعني امتي يكون
ط ، ض،د،ت
انا عمري ما شوفت في اي لغة من اللغات الحية والميتة حرف ليه اربع  اصوات
هههههههههه
          

لو قريت كتاب الدكتور جورجي صبحي
هتلاقي انه قال ان الفرق بين تمثيل صوت الدال والتاء زال قبل القرن الاول
فموضوع ان يكون للحرف عدة اصوات جائز تماما
واكبر دليل في اللغة الانجليزية
c
ممكن تنطق كاف وسين
وهذان حرفان مختلفان تماما في النطق
اما قواعد نطق الحروف  فغير معروف وهو سماعي
ولا يوجد احد من المعلمين القدماء امثال ابن العسال او السمنودي مثلا
قال عليه
وده طبعا اللي خلى عريان افندي يعمل موضوع تغيير الحروف ده

[georgesedhom]

بصي يا  شاطرة
انا هشرحلك حكاية شنودة وشنودي
 ϣⲉⲛⲟⲩⲧⲉ  كلمة
كلمة قبطية صعيدية  تنطق بالصعيدي  شنودة   بفتح الشين
وتكتب في البحيري
ϣⲉⲛⲟⲩϯ
وتنطق في اللفظ القديم  شنودي  بفتح الشين برضو  اما في اللفظ الحديث تنطق  بالبحيري   
شينوتي     وبالصعيدي    شينوتيه
استابينا
 

[okeen888]

طيب لما كن اللفظ الصعيدي صحيح تماما متلعبش فيه ولا عريان افندي ولا اميل ماهر
بزمتك انه اقرب للفظ الصعيدي
شانودي ولا شينوتي
وبعدين حرف ال اي مش مجرد فتحة ده حرف الف صريح
متتكسفش تقول انها
شانودي

[georgesedhom]

كلمة شنودة تقرا بالصعيدي الصحيح شنودة زي ماهي  ولكن في البحيري الحديث شينوتي  ولو طبقنا قواعد الحديث علا الصعيدي هتبقا شينوتيه
واضح انك متعرفيش حاجة عن الصعيدي ومعلومتك استمدتيها من ردي  ولكن فهمتيها غلط

[Admin]

اسف على المقاطعة بس انا كنت قبل كدة في نفس الموضوع ده بقولها ان حرف الضلدا عمره ما يجي في كلمة صعيدي
فشوف حضرتك الاجابة
http://kame.danacbe.com/index.php/topic,314.msg2026.html#msg2026
ان بقول كدة بس عشان تعمل حسابك على شوية صبر و طول بال