ⲁⲛⲟⲕ ⲡⲉϣⲉⲛϯ ⲡⲓⲉⲗⲁⲭⲓⲥⲧⲟⲥ ⲉⲓⲥϧⲁⲓ ⲛ̀ⲅⲉⲱⲣⲅⲓⲟⲥ ϫⲉϣⲟⲣⲡⲙⲉⲛ ⲛ̀ϩⲱⲃ ⲛⲓⲃⲉⲛ ϯϣⲓⲛⲓ ⲉⲣⲟⲕ ⲛⲉⲙⲡⲉⲕⲏⲓ ⲧⲏⲣϥ ⲡⲓⲟⲩⲁⲓ ⲡⲓⲟⲩⲁⲓ ⲕⲁⲧⲁⲡⲉϥⲣⲁⲛ ⲛⲉⲙϯⲟⲩⲓ ϯⲟⲩⲓ ⲕⲁⲧⲁⲡⲉⲥⲣⲁⲛ ϧⲉⲛⲟⲩϣⲓⲛⲓ ⲉⲥⲟⲩⲁⲃ ⲭⲁⲓⲣⲉⲓⲛ ⲁⲓⲣⲁϣⲓ ⲉⲧⲁⲓϭⲓ ⲧⲉⲕⲉⲡⲓⲥⲧⲟⲗⲏ
ⲁⲛⲟⲕⲇⲉ ϩⲱ ϧⲁⲡⲓϫⲱⲃ ⲛ̀ⲁⲧⲙ̀ⲡϣⲁ ϯⲧⲁⲙⲟⲕ ⲉⲛⲉⲛⲣⲁⲛ ⲛ̀ⲧⲉ ⲛⲁⲓⲟϯ ⲉⲧⲁⲩϣⲁⲛⲟⲩϣⲧ ⲟⲩⲟϩ ⲛⲏⲉⲧⲁⲩⲧⲥⲁⲃⲟⲓ ⲁⲗⲏⲑⲱⲥⲅⲁⲣ ϧⲉⲛⲟⲩⲙⲉⲑⲙⲏⲓ ϯϫⲟⲥ ⲛⲁⲕ ϫⲉϯⲥⲁϫⲓ ⲛ̀ⲧⲁⲓⲁⲥⲡⲓ ⲁⲓϭⲓⲥⲃⲱ ⲉⲣⲟⲥ ϩⲓⲧⲟⲧⲥ ⲛ̀ⲧϣⲉⲣⲓ ⲛ̀ⲑⲁⲛⲓⲟⲥ ⲛⲉⲙⲁⲡⲁ ⲥⲧⲉⲫⲁⲛⲟⲥ ⲫⲁⲃⲣⲓⲏⲗ ⲛⲉⲙ ⲡϣⲏⲣⲓ ⲙⲏⲭⲁⲏⲗ ⲥⲁ ⲙⲁⲣⲕⲟⲥ ⲛⲉⲙⲡϣⲏⲣⲓ ⲛ̀ⲓⲥⲁⲁⲕ ⲛⲉⲙ ⲡϣⲏⲣⲓ ⲛ̀ⲇⲁⲙⲓⲁⲛⲟⲥ ⲉⲧⲁϥϭⲓⲥⲃⲱ ⲉⲃⲟⲗϩⲓⲧⲟⲧϥ ⲙ̀ⲡⲓϩⲩⲅⲟⲩⲙⲉⲛⲟⲥ ϣⲉⲛⲟⲩⲧⲉ ⲓⲥⲁⲁⲕ
ⲁⲓⲥⲁϫⲓ ⲙ̀ⲙⲟⲥ ⲛⲉⲙ ⲁⲃⲣⲁⲁⲙ ⲛⲉⲙⲓⲱⲥⲏⲫ ⲛⲉⲙⲡϣⲏⲣⲓ ⲙ̀ⲯⲁⲧⲉ ⲛⲉⲙⲁⲙⲟⲩⲛ
ⲛⲁⲓ ⲛⲉ ⲛⲁⲓⲟϯ ⲉϯⲙϣⲁ ⲁⲛ ⲛ̀ⲧⲁⲟⲩⲟ ⲛ̀ⲛⲟⲩⲣⲁⲛ
ⲙⲏⲥ ⲛ̀ⲅⲉⲱⲣⲅⲓⲟⲥ ϩⲓⲧⲉⲛ ⲡⲉϣⲉⲛϯ
