Our Coptic language > Old pronunciation vs new debate

مصر بالقبطية اسمها كيمي ... ادخل و اعرف

(1/4) > >>

okeen888:
كلمة مصر بالقبطية بشهادة العلماء اسمها كيمي او كيمت
اما كامي او كامل هههههه
اللي بيقولوها اللفظ القديم فهي من وحي الخيال

كلمة مصر - كيمي
حروفها ( كي- ايتا - مي يوتا ) و حرف
ايتا لسه لغاية دلوقتي ملهوش قاعدة
في اللفظ ده وربنا يسهل
ويعرفولوا قاعدة في الالفية الجايه
فهو ينطق الف في الكلمات القبطية علي كلامكهم
و ياء في بعض الكلمات

طيب معني كده ان مصر ممكن تكون اسمها كامي او كيمي
والله واعلم

لكن انا عايزة اي مثال ينطق فيه حرف الايتا الف
انا معايا الالاف الكلمات حرف الايتا ينطق فيها ياء مش الف
و ده في غالبيا في معظم الكلمات القبطية

كلمة اسكيم لو اتنطقت باللفظ اللي بتعتقدوا انه صح
هتبقي اسكام (جنكم سيما-كي -ايتا - مي)
لان حرف ال ايتا بتنطقوه حضرتك الف
وبالتالي باظت الكلمة تماما

كلمة مينا - مارمينا
هتبقي مانا وحروفها هي
(مي - ايتا -ني -الفا)
لان الايتا بتنطق الف

كلمة ايريني - القديسة ايريني
حروفها ( اي- يوتا - رو -ايتا ني - ايتا )حرف
اي ينطق مثل الف و حرف ايتا- هاده
ينطق الف فتبقي الكلمة ايرانا

القديس الانبا ايسيذورس
كلمة ايسذوروس حروفها
(ايتا - سيما - ايتا -دلتا - اوو -رو -او - سيما )
ههههههه حاولوا تقروها بالقديم
حرف الدلتا هنا ينطق ذ وليس د
ولكن بالقديم هتبقي الكلمة اسادوروس
اسم القديس اتشوه تماما

كلمة اغابي - محبة معروفة دي
حروفها ( الفا - جما - الفا - بي -ايتا ) وبما انكم
بتنطقوه ال ايتا الف
هتبقي اسمها اغابا مش اغابي
فعلا هي دي لغة الاباء

وبالتالي بقي ايه اللي يثبت ان حرف الايتا ينطق الف مش ياء
طبعا لو رجعا للفظ بتاع الشماس اميل مش هنلاقي ما يفيدنا
لانه سداح مداح وملوش قاعده محدده

ولكن الاصح بشهادة العلماء هو كلمة كيمي يعني مصر

Admin:
رجاء عدم كتابة معتقداتك في الاقسام الاخرى في المنتدي
ده منتدى القبطي القديم و نطق مصر بالنطق القديم هو كامي
لو النطق ده مش عاجبك ممكن تناقشية و تعترضى عليه زي ما انتي عايزة في القسم ده
لكن في الاقسام التانية الكل ملتزم باللفظ القديم سواء مقتنعين بيه او لا

okeen888:

--- Quote from: Admin on 08 December , 2010, 03:20:02 AM ---رجاء عدم كتابة معتقداتك في الاقسام الاخرى في المنتدي
ده منتدى القبطي القديم و نطق مصر بالنطق القديم هو كامي

--- End quote ---

اولا  انا حطيت الموضوع في الاول في قسمه الصحيح لاني كنت عايزة اسأل عن معني الاسم
فحطيته في قسم ما معني ؟
ولكن  لقيت ان النطق ده مش صحيح او مش معروف كيمي ولا كامي

و عشان كده حطيت الموضوع في القسم بتاعي بيتاع اخطاء وعيوب اللفظ القديم

ثانيا : ايه الثقة المضحكة اللي انت فيها و بتقول كـــــــــامي وانت مفتخر
اذا كان اللي عمل اللفظ ده مش محدد اذا كانت كيمي ولا كامي

لان زي ماانا قلت ان حرف اليتا - الهــــ؟ــاده محدش عارفلوا قاعده
اذا كان ينطق الف ولا ياء
 وكل المشكلة دي في كلمة واحده و هي كلمة كيمي او مصر
اختلافنا عشان حضرتك بتعتقد ان اسمه كامي وانا بقول كيمي

امال لو مشينا علي اللفظ ده علي طول شوف كام كلمة هتقف في طريقنا و هنعد نقول ننطقها بالالف ولا بالياء
مش هنخلص انصح  بالبحث المدقق في لفظ المبجل
وبالاخص في كلمة كيمي ابحث عنها اذا كنت تريد ان تعرف معناها الحقيقي
اما اذا كنت مصر علي نشفان الدماغ فانت حر حور ولخبط في اللغة

و انا سألت وبسأل تاني اديني امثلة ينطق فيها حرف الايتا الف
و انا قلت امثلة كتير تاريخية بينطق فيها الايتا ي ولو اتنطقت الف هتتشوه الكلمات
راجع المقال الاول لمعرفة الامثلة

batroc:
إنت بتقول عاوزين نرمى حجر فى البحيرة الساكنة ، وده كلام صحيح لكن غير ناجح لأن اللفظ الحديث حول اللغة إلى حجارة صلبة لاتتأثر بأى شىء ، واللفظ الحديث فشل خلال 150 سنة ، وهيستمر فى الفشل ، وركود موضوع القبطى راجع بنسبة ما إلى اللفظ الحديث

فالمحاولة مع اللفظ الحديث تضييع وقت ، وتعكير مزاج بسبب تعقد أصوات اللغة بالقراءة اليونانية

وبالتالى محاولة التحريك مع اللفظ الحديث محكوم عليها بالفشل ، وهو ذات الفشل الموجود من 150 سنة 

batroc:
كامى كلمة مفرودة ، وكيمى كلمة مطبقة ، وبتوع الحديث يعشقوا التعقيد والتصعيب بسبب وجود تار بايت بينهم وبين اللغة القبطية ، على أساس أنهم يعتقدوا أن الروم أكثر رقياً من الآباء الفلاحين ، وبالتالى بيدمروا اللغة عشان يكونوا تبع الروم ويبقوا متطورين ومتقدمين لكن فشلوا ، ودمروا أصوات اللغة وشوهوها

Navigation

[0] Message Index

[#] Next page

Reply