Advanced Search

Author Topic: حقيقة وضع اللغة القبطية  (Read 17640 times)

02 June , 2006, 11:29:54 PM
Read 17640 times

Offline batroc

  • Hero Member

  • *****

  • 1462
    Posts

  • People said thank you: 2

حقيقة وضع اللغة القبطية
« on: 02 June , 2006, 11:29:54 PM »
فيه حالة إلتباس كبيرة عن وضع اللغة القبطية
البعض يظن انها موجودة وشغالة ، ( وهذا غير صحيح ) ء
كل ما هو موجود فى مجال اللغة القبطية .. هو وجود بعض الأشخاص القلائل القادرون على قراءة النص وفهمه ، وهم يعتبروا هذا المستوى : إجادة للغة القبطية
لكن فيه فرق كبير بين معرفة القراءة والقدرة على فهم النص ، وبين القدرة على التعبير الحر باللغة القبطية ( كتابة أو بالصوت ) ء
أحسن ما رأيته هو كتابات أبونا شنودة بالقبطى ، ولكنى لم أسمعه متكلماً باللغة القبطية ، ولم ارى محاورات باللغة القبطية
وما هو موجود فى البالتوك لايمكن الحكم عليه قبل تسجيله ( بالصوت أو بالكتابة ) حتى يمكن الحكم عليه
مستوى اللغة القبطية ، ودرجة الإهتمام بها ممكن نشوفه من المنتدى هنا ، وهو وجود بعض الأشخاص يستطيعون قراءة وفهم القبطى لكنهم لايستطيعون التعبير عن انفسهم بها
والمسافة بين معرفة القراءة باللغة والقدرة على إستعمالها هى مسافة كبيرة ، وادعى أن احداً لم يستطيع إجتياز الخط الفاصل بين المستويين

03 June , 2006, 12:14:17 AM
Reply #1

Offline Admin

  • Administrator

  • *****

  • 1161
    Posts

  • People said thank you: 12

    • Ⲧⲉⲛⲁⲥⲡⲓ
Re: حقيقة وضع اللغة القبطية
« Reply #1 on: 03 June , 2006, 12:14:17 AM »
انا سمعت ابونا شنودة و هو يتكلم القبطية بطلاقة
لكن بما اني مبتدء في اللغة  القبطية مش هقدر اقولك اذا كان كلامه سليم او بيختار الكلمات المناسبة للتعبير عن رايه او لا
بس الاكيد هو انه كان بيتكلم بطلاقة

و بالمناسبة في ناس في الاقصر بقايا ناس كانت بتتكلم قبطي بطلاقة
قرية اسمها زينية انا عمري ما رحتها بس انشاء الله ازورها السنة دي و السنة الجيه
ابونا شنودة زارها زمان و في فصل من فصول القبطي القديم اتفتح فيها

المدرسة بتاعتنا قالتلنا ان في بنت صغير هناك اتعلمت كامي كله في اسبوعين او تلاتة مش فاكر

كل اللي انا عايز اقوله ان صحيح ان الموضوع صعب و وضع اللغة سيئ بس مش زي مانت فاكر خالص

03 June , 2006, 01:09:12 AM
Reply #2

Offline batroc

  • Hero Member

  • *****

  • 1462
    Posts

  • People said thank you: 2

Re: حقيقة وضع اللغة القبطية
« Reply #2 on: 03 June , 2006, 01:09:12 AM »
طيب ليه أبونا شنودة مش بيسجل أحاديث بالقبطى علشان تبقى نماذج للغة القبطية
لو هيسجل كل يوم 10 دقائق .. بمرور الوقت هتبقى عندنا كمية كبيرة من التسجيلات القبطية

03 June , 2006, 01:20:17 AM
Reply #3

Offline batroc

  • Hero Member

  • *****

  • 1462
    Posts

  • People said thank you: 2

Re: حقيقة وضع اللغة القبطية
« Reply #3 on: 03 June , 2006, 01:20:17 AM »
ليس إن اللغة القبطية غير موجودة فقط .. لكن تعليم اللغة القبطية الجاد غير موجود
لا أعرف ما هى المناهج الموجودة فى الإكليركية ومعهد الدراسات القبطية
إحتمال فى الإكليركية بيدرسوا الألحان كتلاوة فقط
ومعهد الدراسات لم نرى منه شيئاً محسوساً ( فيما عدا طبع بعض النصوص ) ء

03 June , 2006, 01:52:53 AM
Reply #4

Offline Admin

  • Administrator

  • *****

  • 1161
    Posts

  • People said thank you: 12

    • Ⲧⲉⲛⲁⲥⲡⲓ
Re: حقيقة وضع اللغة القبطية
« Reply #4 on: 03 June , 2006, 01:52:53 AM »
لقد طلبت من ابونا يوم قابلته العام الماضي ان يستكمل ما بداه
سواء من دروس او تسجيل باقي الانجيل القبطي على شرائط و و
و قلت له لو اخذت كل يوم عشر دقائق لتسجل فيها ..... فاجاباني بما معناه انه
مشغول جدا لدرجة انه لا يستطيع ان ياتي بهذه العشرة دقائق :-\

اما بالنسبة لمناهج الاكليريكية و غيرة فبصفة عامه كل مدرسي اللفظ الحديث يصبون كل اهتمامهم على
تدريس الطالب كيفية نطق الكلمات و تحفيظه كل قواعد الحروف و اذا استمر الطالب في الدراسية دون ان يشعر بالضيق
من كل هذا الكم من القواعد يبدا المدرس في تدريس قواعد اللغة القبطية بشكل نظري او بامثلة بسيطة في افضل الاحوال

اما بالنسبة لمنهج ابونا شنودة فانا اجده جاد جدا
فمثلا ان درست خمسة و عشرين درس من دروس كامي الاربعين
و دلوقتي بقيت فاهم حاجات كتيييييير و قواعد كتير رغم ان مدة دراستي لمنهج كامي كان
اقل بكتير من مدة دراستي في الاماكن الاخرى اللي بتدرس اللفظ الحديث

حسب كلام الاكبر مني اللي درسوا مناهج ابونا شنودة بيقولوا الاتي
منهج كامي يخليك تفهم كويس في القبطي
منهج ساجي يخليك تتكلم قبطي
منهج سمو بانودي بيخليك تفهم كل كلمة وردت في الالحان و الصلوات الكنسية

03 June , 2006, 04:29:03 AM
Reply #5

Offline batroc

  • Hero Member

  • *****

  • 1462
    Posts

  • People said thank you: 2

Re: حقيقة وضع اللغة القبطية
« Reply #5 on: 03 June , 2006, 04:29:03 AM »
للأسف الكلام ده غير صحيح
مناهج المعهد معتمدة على الحفظ الصم لمجموعة من الجمل ، وبدون القدرة على تركيب جمل جديدة
ولو كان المنهج معتمد على دراسة النصوص لكان ممكن اصدقك إنك هتفهم النصوص
مناهج المعهد تعتبر محاولة لإحياء اللغة إعتماداً على إستعمال اللفظ الطبيعى للغة .. ولكن بسبب التسرع ومحاولة القفز على الواقع وإهمال النص فالمحاولة فاشلة
كما ذكرت لك من قبل الإحياء محتاج عدد كبير جداً من الكتب ، وناس متفرغة لدراسة اللغة بجدية ، وقبل هذا وذاك إستكمال ماينقص اللغة من الكلمات

03 June , 2006, 04:43:48 AM
Reply #6

Offline batroc

  • Hero Member

  • *****

  • 1462
    Posts

  • People said thank you: 2

Re: حقيقة وضع اللغة القبطية
« Reply #6 on: 03 June , 2006, 04:43:48 AM »
الطريقة الوحيدة الموجودة حالياً لدراسة اللغة القبطية هى قراءة ودراسة النص
لأن كل الموجود من محاولات التعليم هو محاولات بدائية وأولية لاتنفع شيئاً
لاتوجد مناهج جادة لتعلم القبطى
كما أن أهداف التعليم ملتبسة
فهل التعليم يتم لمعرفة ألحان الكنيسة ؟ ، أم الهدف فهم النص ؟ ، أم الهدف إحياء اللغة ؟
من وجهة نظرى إن الهدف الممكن حالياًف هو فهم النص
وبعد فهم النص ودراسة القواعد الموجودة فيه يلزمنا عمل فهرسة للنص للكلمات والأفعال والحروف والجمل
وبعد كده نبحث عما نقص من كلمات وننحتها من اللغة أو نستلف كلمات من لغات أخرى
وفى الآخر خالص نبدأ فى عملية الإحياء

03 June , 2006, 05:09:25 AM
Reply #7

Offline Admin

  • Administrator

  • *****

  • 1161
    Posts

  • People said thank you: 12

    • Ⲧⲉⲛⲁⲥⲡⲓ
Re: حقيقة وضع اللغة القبطية
« Reply #7 on: 03 June , 2006, 05:09:25 AM »
انت اتفرجت على منهج كامي؟

03 June , 2006, 06:31:57 AM
Reply #8

Offline batroc

  • Hero Member

  • *****

  • 1462
    Posts

  • People said thank you: 2

Re: حقيقة وضع اللغة القبطية
« Reply #8 on: 03 June , 2006, 06:31:57 AM »
أيوه شوفته

03 June , 2006, 06:51:48 AM
Reply #9

Offline Admin

  • Administrator

  • *****

  • 1161
    Posts

  • People said thank you: 12

    • Ⲧⲉⲛⲁⲥⲡⲓ
Re: حقيقة وضع اللغة القبطية
« Reply #9 on: 03 June , 2006, 06:51:48 AM »
هدف كامي مش قرئة النص زي ما بتقول
ده هو حتى مكتوب بحروف عربي قبطي معرب يعني
و انا شايف ان هدفه الاساس تعليم المحادثة مش اي حاجة  تاني
عيبه الوحيد ان فيه بعض الكلمات اليوناني

ده رايي الشخصي على اي حال

03 June , 2006, 10:53:35 PM
Reply #10

Offline batroc

  • Hero Member

  • *****

  • 1462
    Posts

  • People said thank you: 2

Re: حقيقة وضع اللغة القبطية
« Reply #10 on: 03 June , 2006, 10:53:35 PM »
أتخيل أن الدراسة الجادة للقبطى لازم تكون زى ما درسونا العربى .. يعنى بنروح المدرسة وبنكون عارفين اللغة كمحاورة ، والتعليم بيشمل : القراءة والنحو والنصوص والقصة والتعبير
فلو عاوزين نعمل تعليم جاد للقبطى لازم يشتمل على : القراءة والكتابة والنحو وتمارين على النحو ودراسة النص والتعبير والمحادثة .. يعنى حوالى 7 مواد
فى خلال الدراسة الإبتدائية والإعدادية والثانوية يمكن بندرس 35 كتاب عن العربى ويمكن 100 كتاب بالعربى عن مواد مختلفة .. ومن خلال 12 سنة و 135 كتاب بنقدر نتعلم القراءة والكتابة العربى كويس
فالموضوع مش سهل   
« Last Edit: 03 June , 2006, 10:56:30 PM by batroc »

04 June , 2006, 12:46:43 AM
Reply #11

Offline Admin

  • Administrator

  • *****

  • 1161
    Posts

  • People said thank you: 12

    • Ⲧⲉⲛⲁⲥⲡⲓ
Re: حقيقة وضع اللغة القبطية
« Reply #11 on: 04 June , 2006, 12:46:43 AM »
اظن ان تعليم القبطي زي العربي صعب جدا
لان مناهج العربي تعتمد على معرفة الدارس باللغة العربية و معرفة التامة و الكاملة بالعامية المصرية
و رغم ذلك فهي مناهج ثقيلة جدا جدا و صدقني لو سالتني الان عن اعراب كلمة غالبا مش هعرف اعربها صح

يمكن يكون المنطقي اكتر ان احنا نشوف مناهج الانجليزي و الورك بوك و نترجمها للقبطي و تبقى هي دي مناهج القبطي

04 June , 2006, 01:27:43 AM
Reply #12

Offline batroc

  • Hero Member

  • *****

  • 1462
    Posts

  • People said thank you: 2

Re: حقيقة وضع اللغة القبطية
« Reply #12 on: 04 June , 2006, 01:27:43 AM »
خريج الثانوية العامة قادر على التعامل باللغة العربية قراءة وكتابة ، وبنشوف على الإنترنيت الناس بتتفاهم بشكل ممتاز بالعربى .. طبعاً نادر من يعرف قواعد الفصحى .. لكن الجهل بقواعد الفصحى لايمنع الناس من التعامل الكفء باللغة العربية
فإذا كانت إجادة إستعمال اللغة العربية ( قراءة وكتابة ) بتحتاج لدراسة 12 سنة ودراسة 140 كتاب ، فاللغة القبطية كلغة مجهولة عندنا ولغة ميتة فإستيعابها لابد هبأخذ ضعف مدة العربى .. يعنى عاوزين 24 سنة و280 كتاب
وبالتالى اللى بيعتقد إنه من خلال كتابين أو تلاتة ، وسنة أو إتنين هيقدر يعمل إحياء للقبطى فهو واهم
الأمر أشبه بواحد عايز يحرك حجر كبير وجايب عتلة صغيرة ، فهيفشل بالتأكيد فى تحريكها ، كذلك الحال فى اللغة القبطية محتاجة مجهود إستثنائى وكبير حتى يمكن حل المسألة ، والتساهيل على ربنا

04 June , 2006, 02:52:27 AM
Reply #13

Offline Admin

  • Administrator

  • *****

  • 1161
    Posts

  • People said thank you: 12

    • Ⲧⲉⲛⲁⲥⲡⲓ
Re: حقيقة وضع اللغة القبطية
« Reply #13 on: 04 June , 2006, 02:52:27 AM »
طيب تقترح ايه؟ ايه الحل العملي في رايك ؟

04 June , 2006, 03:11:09 AM
Reply #14

Offline batroc

  • Hero Member

  • *****

  • 1462
    Posts

  • People said thank you: 2

Re: حقيقة وضع اللغة القبطية
« Reply #14 on: 04 June , 2006, 03:11:09 AM »
هو المفروض إن اللغة لو مهضومة وادواتها جاهزة ( كتب ومناهج ومعرفة ) إن التعليم يبقى شامل يعنى قراءة وكتابة ومحادثة فى وقت واحد
لكن طالما إن أدوات تعليم ممارسة اللغة غير جاهزة ، فالأفضل ( فى الوقت الحالى ) الإكتفاء بدراسة النص وفهمه ، ومن اصبح يقرا النص ويفهمه يبدا فى محاولة إستعمال اللغة سواء بالكتابة أو بالمحاورة .. لكن المبتدئين يكفى جداً دراسة النص والإعتياد على القراءة والتعرف على اللغة ( لغة النص ) وفهمها
ومتهيألى الهدف ده ممكن وواقعى وادواته موجودة
ونأجل محاولة إستعمال اللغة لما بعد التعرف على النص والإعتياد على اللغة المكتوبة
وبمعنى آخر لغة النص موجودة ، لكن اللغة الطبيعية الحية غير موجودة ، فإزاى أسيب الشىء الموجود وابحث عن الشىء غير الموجود ؟
لا ..  أنا اتملك الشىء الموجود ( لغة النص ) وبعد كده ابحث عن الشىء غير الموجود ( وهو اللغة الطبيعية الحية ) ء


 

Sitemap 1 2 3 4 5 6 7 8 9 10 11