مشكلة اللفظ القديم

[okeen888]

اشكرك علي ردك يا استاذ بطرس ولكن
الموضوع ليس تحيز ولا شئ ولكن
هذا الاخطاء معروفة لدي كثير من الرهبان
و الكهنة المتعمقين في القبطية

ولكن المشكلة ان الكثير من اللفظ القديم
يستمع الي طرف واحد ويؤتي منه كل معلوماته
دون ان يتعلموا كيفية الدراسة والبحث الحيادي
والعلمي في الشئ فأول شئ للاقتناع
ببحث او دراسة هو نقدها

وارجو كم كل الاشخاص من اجل المسيح مراجعة
اللفظ بنفسهم وبحيادية و دون تحيز

[okeen888]

في ناس مقتنعة ان اللفظين غلط
بس هتمشي في الغلط بتاع الكنيسة  احسن من الغلط اللي برا الكنيسة

يعني انت بتعترف ان اللفظ القديم اللي برا الكنيسة غلط

[georgesedhom]

لا دانا بوصف وجهت نظر امثالك

[okeen888]

و مسحت تعليقك ليه
ايه اللي لخبطك كده

علي العموم ربنا يسامح الجميع

[abo_dokhana]

وارجو كم كل الاشخاص من اجل المسيح مراجعة
اللفظ بنفسهم وبحيادية و دون تحيز

في الحقيقة النطق الذي قال به ابونا شنوده ليس سليما مائة في المائة
لكنه اقترب كثيرا من الصحيح بينما اللفظ الحديث خطأ مية في المية
نقطة اخرى هامة هو اننا تسلمنا اللفظ القبطي هكذا فالموضوع موضوع
تراث قبطي لازم نحافظ عليه مش ندمره باللفظ الحديث

[okeen888]

ردك رائع جدا يا استاذ ابو دخانة
فعلا اللفظين لايخلو من اخطاء
ولكن العملية محتاجة حكمة و واقعية

  بما لا يضر بالاقباط حاليا
فاليونان مثلا حاليا لا يتحدثون لغة اجدادهم
يتكلمون اليوناني الحديث لان اسهل و موسيقة الكلمات به افضل من القديم
ولكن كل الجامعات وكثير من الناس في العالم يتعلمون ويدرسون اللغة القديمة يعرفون اليونانية القديمة تماما
رغم كونها لغة حضارة اليونان العظيمة و لغة كنيسة اليونان العريقة وتراث الاباء
وهذا ما اتمني ان  يكون لدينا هذا القدر من العقلية والتحضر
واجد ان كنيستنا لم تسلم من الهجوم سواء من اشخاص من خارج المسيحية حتي من داخل الكنيسة
وتتهمون الكنيسة انها هي التي تريد الغاء اللفظ القديم رغم ان الكنيسة قامت  بانشاء معهد اللغة القبطية
بناء علي طلب ابونا شنودة في دداخل مقر البابا بالكاتدرائية
وهذا هو اكثر السبل واقعة وتحضر واتفاقا مع الاحوال والاوضاع الراهنة حتي يثبت صحة هذا اللفظ الذي دعي له ابونا شنودة

[okeen888]

انا كلامي واضح للكل
اي حد بيدخل المنتدي عارف يقرأ
ويفهم كلامي
اما اللي بيستخبي ورا الكتابة بالقبطي
هو اللي مش عارف يرد ويقنع الناس

[Admin]

هو الحقيقة مش بيتخبى ولا حاجة
هو عايز يقول انك لو بتفهمي قبطي هتفهمى هو بيقول ايه و هتردي عليه زي ما كلنا هنا بنفهم الكلام القبطي
اما لو حضرتك مبتفهميش قبطي - لا قدر الله - فاستحالة هو هيقدر يقنعك باي حاجة
و عموما لو يعني عايزة الناس تفهم مفيش مانع انك تترجمي الكلام بتاعة للعربي و تردي عليه

و لو حضرتك اصلا متعرفيش قبطي ايه المانع تجيبي حد يكون عارف قبطي كويس و تخلينا نتناقش معاه ؟

[okeen888]

هو فرحان بنفسه ان يعرف قبطي بايظ
الحمد لله  انا بعرف قبطي كويس
بس مش بحب اتمنزر بامكانياتي
ولو انتوا دارسين قبطي كويس زي ما بتقولوا
كونتوا عرفتوا ان اللفظ اللي بتتعلموه ملخبط ومبوظ حاجات كتير

اما انا درست القديم ده في مدة قليلة وعرفت اكتشف
فيه حاجات انتوا اللي درستوا من بدري عمركم ما شوفته الاخطاء دي

مكنتش اتمني الحوار يوصل بينا لكده
يارب سامحني وسامح الجميع

[okeen888]

حرف الدلتا ينطق د دايما في الكلمات الصعيدي

حرف الدلتا اساسا عمره ما يجي في كلمة صعيدي

ههههههههههههههه
حرف الدلتا عمره مايجي في كلمة صعيدي
اما داوود و دانيال و غيرهم دول ايه ؟

انصحك بمراجعت الابجدية الصعيدية
هتلاقي حرف الدلتا منور زي الشمس وراجع
المصادر العالمية بره هتلاقي اسم الحرف دلتا مش دلدا
قال دلدا قال .... ههههه

[Admin]

حد يا جماعة يقولها شنودة بتتكتب ازاي

[georgesedhom]

اليونانيين استمرت لغتهم على مر العصور تتطور  لحد ما وصلت لشكلها الحالي  . وايضا المصرية تطورتالى القبطية   واحنا بنحترم التطور دا  ومش بندعو للتحدث بالمصري القديم    لكن اللغة القبطية  وقفت عن اللفظ القديم وفي يوم وليلة جاء عريان وغيرها يعني مكنش تطور  للغة طبيعيا  لا دا تطور فجائي  ومن خلال شخص واحد

[Admin]

اضطريت امسح اخر تعليقين عشان مش مسموح باهانة اهل اي بلد في مصر

[georgesedhom]

ماشي
شكرا

[okeen888]

اضطريت امسح اخر تعليقين عشان مش مسموح باهانة اهل اي بلد في مصر

لكن يا جماعة مسموح بمهاجمة و اهانة الكنيسة في تضليلها للشعب وطمسها للغة
و عجــــبي